Úkimet qaldyqtardyń barlyq túrin basqarý tujyrymdamasyn ázirleıdi

ASTANA. KAZINFORM – Úkimet qaldyqtardyń barlyq túrin basqarý tujyrymdamasyn ázirleıdi. Bul jaıynda Májilis depýtattarynyń saýalyna Premer-Mınıstr Oljas Bektenovtiń jaýabynda aıtylǵan. 

– Úkimet qaldyqtardyń barlyq túrin basqarý tujyrymdamasyn ázirleý jóninde sheshim qabyldady. Ony ázirleý kezinde qaldyqtardyń barlyq túrleri aınalymnyń tolyq tsıkli, sondaı-aq Óndirýshilerdiń keńeıtilgen mindettemelerin iske asyrý tetigin jetildirýdi kózdeıtin ozyq halyqaralyq tájirıbe eskeriletin bolady. Búgingi tańda tujyrymdamany ázirleý boıynsha jumys toby qurylýda, - dedi Úkimet basshysy jaýabynda.

Taıaýda Ekologııa jáne tabıǵı resýrstar mınıstri Erlan Nysanbaev elimizde ne sebepti qoqysty óńdeý jobalarynyń júzege asýy baıaý júrip jatqanyn túsindirgen edi.

– Byltyr 94 jobany qolǵa alǵanbyz. Sonyń teń jartysyna jýyǵy orta jolda tys qaldy. Onyń birden-bir sebebi kompanııalardyń ózderi ınvestjobalaryn durys jasaı almaýy, ekonomıkasyn eseptep bere almaýy boldy. Ekinshiden, kóptegen kompanııa tehnıka alamyz degen bolatyn. Jobalar ýtıltólemniń aqshasyna iske asyrylatyn bolǵasyn, bizdiń basty talap – ózimizdiń jergilikti avtoónerkásiptiń tehnıkasyn alý. Keıin olar Qytaıdan arzan taptyq degen sekildi usynystar aıtty. Biraq bizdiń shartymyz ózgermedi, - degen edi ol Úkimet otyrysynda.