Úkimet gaz salasyn damytýǵa nazar aýdarady

Otyrystyń kún tártibine shyǵarylǵan másele qaralyp bolǵannan keıin BAQ ókilderine baspasóz máslıhaty uıymdastyrylady. Іs-shara barysynda Energetıka vıtse-mınıstri Qaıyrhan Tutqyshbaev, ️«QazMunaıGaz» UK» AQ basqarma tóraǵasy Ashat Hasenov jáne ️«QazaqGaz» UK» AQ basqarma tóraǵasy Álibek Jamaýov tilshiler tarapynan týyndaǵan saýaldarǵa jaýap beredi.

Energetıka mınıstrliginiń málimetinshe, elimizde 20,5 mln adamnyń 13,1 mıllıony tabıǵı gazǵa qol jetkizip otyr. Gazdandyrý deńgeıi respýblıkanyń batys oblystarynda, Jambyl oblysynda, sondaı-aq Almaty jáne Shymkent qalalarynda 90 paıyzdan asady. Al Almaty, Qyzylorda, Túrkistan, Qostanaı jáne Jetisý oblystarynda bul kórsetkish 60-tan 90 paıyzǵa deıingi aralyqty quraıdy. Qaraǵandy, Aqmola jáne Ulytaý oblystarynda bul kórsetkish 60 paıyzdan tómen.

Ótken jyldyń qorytyndysynda gazben jabdyqtaý salasynda iske asyrylǵan 84 joba nátıjesinde 94 eldi mekenniń 354 myńnan astam turǵyny tabıǵı gazǵa qol jetkizdi. Bir jyl ishinde 2 myń shaqyrym gaz taratý jelisi salyndy. Bıyl respýblıkalyq bıýdjetten gaz tasymaldaý júıesin damytýǵa bólingen 27,3 mlrd teńge esebinen gazdandyrý deńgeıin 64,3 paıyzǵa jetkizý josparlanyp otyr. https://kaz.inform.kz/news/kazakstandi-gazdandiru-dengey-64-dan-asti-72cc183f/ Osy arqyly taǵy 32 myńǵa jýyq adam tabıǵı gazǵa qol jetkizedi.

Taıaýda Energetıka mınıstrliginiń gazdandyrý deńgeıin 80 paıyzǵa jetkizý jónindegi Jol kartasyn ázirleýge kiriskeni belgili boldy. Ázirlenip jatqan Jol kartasy eldi gazdandyrýdy jedeldetý jónindegi negizgi strategııalyq qujatqa aınalady. Ony iske asyrý tabıǵı gazben qamtylatyn halyqtyń úlesin edáýir arttyrýǵa, Memleket basshysy qoıǵan mindettiń oryndalýyn qamtamasyz etýge, azamattardyń ómir súrý sapasyn jaqsartýǵa jáne óńirlerdiń ornyqty áleýmettik-ekonomıkalyq damýyna qosymsha serpin berýge múmkindik beredi.

Esterińizge sala ketsek, ótken aptadaǵy Úkimet otyrysynda elimizdiń jańa Konstıtýtsııasynyń kúshine enýi aıasynda Memleket basshysynyń tapsyrmalaryn oryndaý barysy pysyqtalǵan edi. Іs-shara barysynda Premer-mınıstrdiń orynbasary — Mádenıet jáne aqparat mınıstri Aıda Balaeva jańa Konstıtýtsııany iske asyrý aıasynda Ulttyq arhıv qory jáne arhıvter, qoǵamdyq keńester jáne aqparatqa qol jetkizý máseleleri boıynsha úsh zańǵa ózgerister engizilgenin, sonymen qatar Ata zań talaptaryna sáıkestendirý úshin taǵy 18 zańǵa túzetýler ázirlenip jatqanyn aıtty. 

Al Ádilet mınıstri Erlan Sársembaev 2030 jylǵa deıingi Quqyqtyq saıasat tujyrymdamasyn jańa Konstıtýtsııa talaptaryna sáıkes jańartý jumysy qolǵa alynǵanyna toqtaldy.

— Jańartylǵan tujyrymdama: quqyqtyń adamǵa baǵdarlanǵan modeline jáne memlekettik basqarýdyń jańa úlgisine kóshýdi; tsıfrlyq quqyqty, jasandy ıntellektini, ǵylym men ınnovatsııany damytýdy; jańa býyndaǵy ekologııalyq quqyqty jáne basqa da mańyzdy baǵyttardy qamtýy tıis. Quqyqtyq saıasat tujyrymdamasyn jańartý — 2026 jylǵy Konstıtýtsııa negizinde Qazaqstannyń jańa quqyqtyq arhıtektýrasyn qalyptastyrý bolyp sanalady. Ádilet mınıstrligi memlekettik organdarmen birlesip jańa Konstıtýtsııany sapaly iske asyrý baǵytyndaǵy jumysty jalǵastyrady, — dedi Erlan Sársembaev.

Premer-mınıstrdiń orynbasary — Ulttyq ekonomıka mınıstri Serik Jumanǵarın halyqtyń naqty tabysyn arttyrý Úkimet jumysynyń negizgi basymdyqtarynyń biri bolyp qala beretinine nazar aýdartty. 

— Qarsy mindettemelerdi oryndaý arqyly aılyq eń tómengi jalaqy mólsherin, azamattyq qyzmetshilerdiń jalaqysyn jáne jaldamaly jumyskerlerdiń tabysyn arttyrý máselesi qaralatyn bolady. Sonymen qatar halyqtyń kredıttik júktemesi men tutynýshylyq nesıelerdiń ósýine erekshe nazar aýdarylady, — dedi mınıstr.

Premer-mınıstrdiń orynbasary — Jasandy ıntellekt jáne tsıfrlyq damý mınıstri Jaslan Mádıev ekonomıkanyń salalary men memlekettik basqarý júıesin tsıfrlandyrý boıynsha júrgizilip jatqan jumystardy baıandady. 

— Bıyl biz əlemdik deńgeıdegi Data-tsentrler alqabyn salýdy bastadyq. Jobanyń maqsatty qýaty keminde 1 gıgavatt bolady. Negizgi artyqshylyqtary — qoljetimdi elektr energııasy jəne derekterdi joǵary jyldamdyqpen jetkizý. Qazirdiń ózinde sheteldik iri kompanııalarmen birlese otyryp jalpy qýaty keminde 250 bolatyn 2 fazada jasandy ıntellekt data-tsentrlerin iske qosý boıynsha jumystar bastaldy. 13 maýsymda NVIDIA qoldaýymen Firebird AI kompanııasymen 10 mıllıard AQSh dollary kóleminde kelisimge qol qoıdyq, — dedi mınıstr.

Ónerkásip jáne qurylys mınıstri Ersaıyn Naǵaspaevtyń aıtýynsha, Memleket basshysynyń tapsyrmasyna sáıkes arnaıy ekonomıkalyq aımaqtardyń jańa modeli ázirlendi. Jańa model ınvestorlarǵa qyzmet kórsetýdiń «bir tereze» qaǵıdatyn engizýdi kózdeıdi. 

— Budan bólek, jeke operatorlardy tartý jáne ınfraqurylymdy damytý josparlanǵan. Onyń ishinde daıyn óndiristik ǵımarattar salynady. Bul jańa óndiristerdi iske qosý merzimin qysqartyp, arnaıy ekonomıkalyq aımaqtardyń ınvestıtsııalyq tartymdylyǵyn arttyrady. Jalpy alǵanda, qabyldanǵan zańnamalyq ózgerister óńdeý ónerkásibiniń turaqty damýyna oń áser etedi, — dedi Ersaıyn Naǵaspaev.

Energetıka mınıstri Erlan Aqkenjenov Qazaqstan 2027 jyldyń basynan bastap elektr energııasyna degen ishki suranysty tolyq qamtamasyz etip, keıinnen elektr energııasy profıtsıtin qalyptastyrýdy josparlap otyrǵanyna toqtaldy.

Kólik mınıstri Nurlan Saýranbaev strategııalyq kólik dálizderin, ınfraqurylymdardy damytý jaıynda baıandady.

Eńbek jáne halyqty áleýmettik qorǵaý mınıstri Asqarbek Ertaev Jańa Konstıtýtsııanyń erejelerin iske asyrýda mınıstrlik halyqty nátıjeli jumyspen qamtýǵa járdemdesý, áleýmettik qoldaýdyń ataýlylyǵyn arttyrý jáne áleýmettik-eńbek salasyn tsıfrlandyrý boıynsha basty baǵyttarda jumys isteıtinin atap ótti. 

Otyrysty qorytyndylaǵan Premer-mınıstr Oljas Bektenov 2026 jyly ınflıatsııa deńgeıin 10 paıyzdan tómen ustaýdy tapsyrdy. Bul jumystar Ulttyq bankpen úılestirile otyryp, júrgizilýge tıis ekenin atap ótti.

— Memlekettik organdardyń birinshi basshylaryna Makroekonomıkalyq turaqtandyrý jónindegi birlesken is-qımyl baǵdarlamasyn, sondaı-aq ınflıatsııany baqylaý jáne tómendetý jónindegi sharalar keshenin sapaly júzege asyrýdy qatań baqylaýǵa alýdy tapsyramyn, — dedi Premer-mınıstr.

Sonymen qatar ol Úkimet músheleriniń aldyna bıyl el ekonomıkasyna 25,5 mlrd dollar kóleminde tikeleı sheteldik ınvestıtsııa tartý jáne negizgi kapıtalǵa salynatyn ınvestıtsııa kólemin 31,5 trln teńgege jetkizý mindetin qoıdy.

— Osy turǵyda árbir mınıstr men ákimniń aldyna ınvestıtsııalar tartý boıynsha naqty ındıkatorlar men mindetter qoıylǵanyn atap ótemin. Bıyl 25,5 mlrd dollar sheteldik ınvestıtsııa jáne negizgi kapıtalǵa 31,5 trln teńge ınvestıtsııa tartýǵa tıispiz. Syrtqy ister mınıstrligine memlekettik organdarmen birlesip, josparly kórsetkishterge qol jetkizý úshin atalǵan baǵyttaǵy jumysty kúsheıtýdi tapsyramyn, — dedi Oljas Bektenov.