Úkimet «Digital Qazaqstan» atty birtutas tujyrymdamalyq qujat ázirleıdi
ASTANA. KAZINFORM — Elimizde sýperkompıýterdiń iske qosylýy – zor jetistik. Bul týraly Prezıdent Qasym-Jomart Toqaev Qazaqstan halqyna Joldaýy barysynda aıtty.
— Men jarııalaǵan mindetter Qazaqstannyń odan ári qarqyndy damýy úshin aıryqsha mańyzdy. Olar elimizdi tsıfrlyq jańǵyrtý isimen tyǵyz sabaqtasyp jatyr. Jasandy ıntellektini jappaı engizý jáne jappaı tsıfrlandyrý elimizdiń barlyq saladaǵy áleýetin eselep arttyrady. Bizdiń strategııalyq baǵdarymyzdyń eń basty qyry osy bolýǵa tıis. Árıne, elimizde sýperkompıýterdiń iske qosylýy — zor jetistik. Biraq muny Úkimet te, búkil qoǵam da Qazaqstandy, shyn máninde, tsıfrlyq memleketke aınaldyratyn jan-jaqty jáne qarqyndy jumystyń bastaýy retinde qabyldaýǵa tıis. Osy mindetti tıimdi oryndaý úshin Úkimet tsıfrlandyrý isi men jasandy ıntellektini damytýǵa arnalǵan «Digital Qazaqstan» atty birtutas tujyrymdamalyq qujat ázirleıdi, — dedi Qasym-Jomart Toqaev.
Prezıdenttiń sózine qaraǵanda, onda bastamalar men jobalardyń bári jalpyulttyq strategııa aıasynda biriktiriletin bolady.
— Túptep kelgende, elimizdiń túbegeıli tsıfrlyq jańǵyrýyn halyqtyń turmys sapasyn jaqsartýǵa bastaıtyn jol deı alamyz, — dedi Memleket basshysy.
Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.
Kazinform saıty tikeleı efırmen qatar, jazbasha translıatsııa da jasaıdy.
Sondaı-aq Joldaý mátinin agenttiktiń telegram arnasynan oqýǵa bolady.