Úkimet Densaýlyq saqtaý mınıstrliginiń quzyretin keńeıtti

ASTANA. KAZINFORM –  Qazaqstan Úkimeti 2025 jylǵy 21 shildedegi qaýlymen Densaýlyq saqtaý mınıstrligi týraly erejege ózgerister men tolyqtyrýlar engizdi.

Qujatqa sáıkes, mınıstrliktiń quzyreti keńeıtildi. Atap aıtqanda, vedomstvoǵa kelesi erejelerdi bekitý boıynsha ókilettik berildi:

- medıtsınalyq mamandyqtar boıynsha qosymsha bilim berý uıymdarynyń tizimin qalyptastyrý;

- densaýlyq saqtaý salasyndaǵy akkredıtteý, akkredıtteýden keıingi monıtorıng júrgizý jáne akkredıtteý týraly kýálikti qaıtaryp alý;

- júkti jáne bosanǵan áıelderdiń ólim jaǵdaıy, josparly medıtsınalyq kómek kezinde patsıentterdiń kenetten qaıtys bolýy týraly shuǵyl aqparat usyný;

- táýelsiz sarapshylar tizimin júrgizý;

- biryńǵaı medıtsınalyq aqparattyq call-ortalyqtyń qyzmetin uıymdastyrý;

- Patsıent dertiniń shuǵyldanatyn kásibimen baılanysy baryn ornatý;

- medıtsınalyq qaldyqtardy esepke alý jáne juqpaly aýrýlar men ýlaný jaǵdaıy týraly jedel habarlama;

- bala kútimine baılanysty demalystaǵylardy gıgıenalyq oqytý;

- sanıtarııalyq-epıdemııaǵa qarsy is-sharalar júrgizý kezinde memlekettik organdardyń ózara árekettestigi;

- patogendi mıkroaǵzalardyń óndiristik kollektsııalaryn qalyptastyrý jáne patogendi bıologııalyq agenttermen jumys isteýge ruqsat berý;

- táýekeldi tásildi eskere otyryp, dárilik zattar men medıtsınalyq buıymdardy sapany baqylaý úshin naryqtan irikteý;

- azamattardy alǵashqy kómek kórsetý daǵdylaryna úıretý jáne shuǵyl jaǵdaı tizbesin bekitý;

- kámeletke tolmaǵandar men jastardyń reprodýktıvtik jáne psıhıkalyq densaýlyǵyn qorǵaý boıynsha medıtsınalyq kómekti uıymdastyrý;

- psıhıkalyq buzylystary bar adamdardy dınamıkalyq baqylaý;

- transplantatsııa kezinde tinderdiń ımmýnologııalyq sáıkestigin anyqtaý jáne HLA-zerthanalarynyń qyzmeti;

- jasandy organdar men tinderdi transplantatsııalaý;

- klınıkalyq bazalardy, ýnıversıtettik aýrýhanalardy jáne ıntegratsııalanǵan medıtsınalyq ortalyqtardy uıymdastyrý.

Sondaı-aq mınıstrlik kelesi máselelerdi bekitedi:

- dári-dármekti saýda ataýlary boıynsha bólshek jáne kóterme saýdadaǵy shekti baǵasyn;

- uzaq merzimdi sharttar aıasynda biryńǵaı dıstrıbıýtor arqyly satyp alynatyn dári-dármek pen medıtsınalyq buıymdar tizbesin;

- alǵashqy kómekti kórsetý standarttary jáne tıisti farmatsevtıkalyq tájirıbe standarttaryn;

- dári-dármek pen medıtsınalyq buıymdardy kóterme jáne bólshek satý erejelerin;

- farmatsevtıkalyq ınspektorlardy tirkeý jáne ınspektsııalaý erejelerin.

Odan bólek, birqatar ókilettiktiń jańa redaktsııasy usynylǵan. Onyń ishinde:

- tekserý paraqtaryn, táýekel dárejesin baǵalaý krıterıılerin jáne tekserý kestelerin bekitý;

- Tegin memlekettik kepildendirilgen medıtsınalyq kómek pen mindetti áleýmettik medıtsınalyq saqtandyrý júıesi sheńberinde dári-dármek pen medıtsınalyq buıymdardyń baǵasyn retteý;

- medıtsınalyq uıymdar úshin úlgilik shtattar men shtattyq normatıvterdi bekitý;

- medıtsına qyzmetkerleriniń úzdiksiz kásibı damýy nátıjelerin rastaý;

- densaýlyq saqtaý qyzmetkerleriniń mamandyqtar nomenklatýrasy men biliktilik sıpattamalaryn bekitý;

- densaýlyq saqtaý ınfraqurylymyn damytýdyń biryńǵaı perspektıvalyq josparyn qalyptastyrý.

Qaýly qol qoıylǵan kúninen bastap kúshine enedi.

Aıta ketsek, birer kún buryn Memleket basshysy Qasym-Jomart Toqaev medıtsına qyzmetkerlerine kúsh kórsetkeni úshin jazany kúsheıtýdi tapsyrdy.