Úkimet dárigerlerdi óńirge barýǵa yntalandyratyn jańa ádister ázirlemek
Dárigerlerdiń óńirlerge baryp jumys isteýin yntalandyratyn jańa ádister ázirleý kerek. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.
«Tıisti kadrlarmen, birinshi kezekte asa qajet mamandarmen qamtamasyz etý úshin medıtsınalyq ýnıversıtetter jáne kolledj túlekterimen birge tájirıbeli mamandardy da óńirlerge, ásirese aýyldyq jerlerge tartý máselesin pysyqtaý qajet. Kórip otyrǵanymyzdaı, jumystar áli de jetkiliksiz. Yntalandyrýdyń jańa ádisterin ázirleý kerek», - dedi Premer-Mınıstr.
Álıhan Smaıylovtyń dereginshe, densaýlyq saqtaý obektilerin medıtsınalyq jabdyqtarmen qamtamasyz etý kórsetkishi 84 paıyz quraıdy. Olardyń jartysynan kóbi tozǵan. Sondyqtan ýaqtyly jáne sapaly medıtsınalyq kómek kórsetý úshin óńir ákimdikteri medıtsınalyq-sanıtarııalyq alǵashqy kómek obektilerin qoldanystaǵy normatıvterge sáıkes jabdyqtaýy qajet.
«Densaýlyq saqtaý salasyn tsıfrlandyrý jumystaryn kúsheıtý kerek. Bul rette, medıtsınalyq-sanıtarııalyq alǵashqy kómek obektilerine erekshe kóńil bólý qajet. Óńir ákimdikteri Tsıfrlandyrý mınıstrligimen birlesip, aýdandyq deńgeıden tómen densaýlyq saqtaý uıymdaryn joǵary jyldamdyqty Internetke qosý protsesin tezdetýi tıis»,- dedi Úkimet basshysy.
Premer-mınıstr qajetti konsýltatsııany jedel alý úshin telemedıtsına men qashyqtan qyzmet kórsetýdi aýyldarǵa deıin jetkizý qajettigine toqtaldy.
«Atalǵan is-sharalar turǵylyqty jeri boıynsha medıtsınalyq qyzmetterdiń qoljetimdi bolýyn qamtamasyz etý týraly Memleket basshysynyń tapsyrmasyn iske asyrýǵa múmkindik beredi», - dedi Álıhan Smaıylov.
