Úkimet biryńǵaı ýaqyt beldeýin engizýge qatysty qaýlyǵa qol qoıdy
ASTANA. KAZINFORM – QR Úkimeti elimizdiń aýmaǵynda biryńǵaı ýaqyt beldeýin engizýge qatysty qujatqa qol qoıdy, dep habarlaıdy Úkimettiń baspasóz qyzmeti.
Qazaqstan Respýblıkasy Úkimetiniń 2024 jylǵy 19 qańtardaǵy №20 qaýlysy
«Qazaqstan Respýblıkasy aýmaǵynda ýaqyt esepteý tártibi týraly» Qazaqstan Respýblıkasy Úkimetiniń 2000 jylǵy 23 qarashadaǵy № 1749 qaýlysyna ózgerister engizý týraly
Qazaqstan Respýblıkasynyń Úkimeti QAÝLY ETEDІ:
«Qazaqstan Respýblıkasy aýmaǵynda ýaqyt esepteý tártibi týraly» Qazaqstan Respýblıkasy Úkimetiniń 2000 jylǵy 23 qarashadaǵy
№ 1749 qaýlysyna mynadaı ózgerister engizilsin:
1-tarmaq mynadaı redaktsııada jazylsyn:
«1. Qazaqstan Respýblıkasynyń aýmaǵynda Qazaqstan Respýblıkasynyń ýaqyt pen jıiliktiń memlekettik bastapqy etalony udaıy júrgizetin, saqtaıtyn ári beretin ýaqytty esepteý saǵattyq beldeýlerdiń halyqaralyq júıesi boıynsha júrgiziledi dep belgilensin»;
3 jáne 3-1-tarmaqtar mynadaı redaktsııada jazylsyn:
«3. Qazaqstan Respýblıkasynyń búkil aýmaǵynda 5-shi saǵattyq beldeý qoldanylady.
3-1. Astana, Almaty, Shymkent qalalarynyń, Abaı, Aqmola, Almaty, Jambyl, Jetisý, Qaraǵandy, Qostanaı, Pavlodar, Soltústik Qazaqstan, Túrkistan, Ulytaý, Shyǵys Qazaqstan oblystarynyń ákimdikteri 2024 jylǵy
29 aqpannan 2024 jylǵy 1 naýryzǵa qaraǵan túni (saǵat 00:00-de) jergilikti ýaqytty 1 saǵat artqa aýystyrsyn.».
Qazaqstan Respýblıkasynyń Mádenıet jáne aqparat mınıstrligi halyqty Qazaqstan Respýblıkasynyń aýmaǵynda ýaqytty esepteý tártibi týraly habardar etsin.
Osy qaýlynyń qol qoıylǵan kúninen bastap qoldanysqa engiziletin
2-tarmaǵyn qospaǵanda, osy qaýly 2024 jylǵy 1 naýryzdan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri Á. Smaıylov
