Úkimet «Báıterek» holdınginiń kapıtalyn 1 trln teńgege ulǵaıtady

ASTANA. KAZINFORM – Bıyl Úkimet «Báıterek» holdınginiń ekonomıkalyq jobalarǵa quıatyn kapıtal kólemin arttyrdy.

— Bıyl jáne odan keıingi jyldary ekonomıkalyq ósýdiń qarqynyn ulǵaıtý úshin Úkimet ekonomıkanyń naqty sektoryn qarjylandyrýdy edáýir ulǵaıtady. Atap aıtqanda, Úkimet «Báıterek» holdınginiń kapıtalyn 2025 jyly 1 trln teńgege ulǵaıtady. Bul shara holdıngke 8 trln teńge somasyna jobalardy qarjylandyrýǵa múmkindik beredi, — dedi Serik Jumanǵarın Úkimet otyrysynda. 

Onyń aıtýynsha, atalǵan ınvestıtsııa elimizde jańa jobalardy qolǵa alýǵa baǵyttalady. 

— Nátıjesinde óńdeý ónerkásibiniń óndiris qýaty ulǵaıyp, ónimdiligi joǵary jańa jumys oryndary qurylady. Bıznesti qoldaý úshin «Báıterek» tarapynan qarjylandyrý kólemin ulǵaıtýmen qatar, qarjylandyrýdyń jańa quraldary engiziledi, — deıdi ol.

Buǵan deıin habarlaǵanymyzdaı elimizde bıznes kredıtke kepildik beretin birneshe qor qurylady. 

Aıta keteıik, bıyl elimizde rekordtyq kólemde turǵyn úı paıdalanýǵa berilmek.