Úkimet basshysynyń orynbasary elimizde elektr energııasyna tarıftiń ósýine pikir bildirdi
ASTANA. KAZINFORM – Úkimet basshysynyń orynbasary Serik Jumanǵarın elektr energııasyna tarıf aldaǵy ýaqytta ósetinin aıtty.
Búgin Májilistiń jalpy otyrysynan keıin tilshiler kommýnaldyq qyzmetter men elektr energııasyna tólemder aıtarlyqtaı óskeni týraly suraq qoıdy.
Óz kezeginde S. Jumǵarın tólemderdiń ósýi elektr energııasy qunynyń artýyna baılanysty qubylatynyn aıtty.
— Bıyl elektr energııasynyń quny aıtarlyqtaı ósti. Aldaǵy ýaqytta taǵy da ósýi múmkin… Elektr energııasyn paıdalaný ındeksi — qoǵamnyń damýy ındeksiniń kórinisi. Jyl saıyn turaqty damyp kele jatqan qoǵamda energııany paıdalaný arta beredi. Elimizde de jylda osyndaı jaǵdaı baıqalyp otyr, ıaǵnı ár otbasy qosymsha jabdyqtar men qurylǵylardy satyp alyp jatyr. Osynyń bári elektr energııasyn kóbirek paıdlanýǵa alyp keledi, — dedi Úkimet basshysynyń orynbasary.
Buǵan deıin Premer-mınıstrdiń orynbasary Serik Jumanǵarın biryńǵaı ýaqyt beldeýiniń adamdarǵa áserin zertteý máselesine qatysty pikir aıtty.