Roman Sklıar jumys saparymen Qytaıǵa bardy
2023 jylǵy 16 jeltoqsanda qytaı tarapynyń shaqyrýymen QR Premer-Mınıstriniń birinshi orynbasary Roman Sklıar jumys saparymen Qytaıdyń mańyzdy ónerkásiptik, ınnovatsııalyq jáne ǵylymı-bilim berý ortalyqtarynyń biri Hefeı qalasyna (Anhoı provıntsııasy) bardy.
Bul týraly Kazinform QR Úkimetiniń baspasóz qyzmetine silteme jasap habarlaıdy.
Atalǵan sapar barysynda Roman Sklıar Anhoı provıntsııasy Partııa komıtetiniń hatshysy Han Tszıýnmen jáne Anhoı provıntsııasy Halyq úkimetiniń tóraǵasy Van Tsınsıanmen kelissózder júrgizip, onyń aıasynda taraptar Qazaqstan óńirleri men Anhoı provıntsııasy arasyndaǵy saýda-ekonomıkalyq, ınvestıtsııalyq, ónerkásiptik jáne mádenı-gýmanıtarlyq yntymaqtastyqty odan ári tereńdetýdiń ózekti máselelerin talqylady.
Іs-sharanyń qorytyndysy boıynsha «Astana Motors» JShS men qytaılyq «Chery International Co., Ltd.» avtomobıl jasaý kompanııasy arasynda yntymaqtastyq týraly memorandýmǵa qol qoıý rásimi ótti, onda «Almaty» ındýstrııalyq aımaǵynda avtoónerkásiptik parktiń birlesken qurylysy salasynda joǵaryda atalǵan QR men QHR kásiporyndary arasyndaǵy strategııalyq yntymaqtastyqty damytý kózdelgen.
Sapar sońynda qazaqstandyq delegatsııa «JAC Group» – «JAC Xinggang» jáne «JAC NIO» qytaılyq iri avtomobıl jasaý kompanııalarynyń biri, sondaı-aq Hefeı qalasynyń Ekonomıkalyq jáne tehnologııalyq damý aımaǵyn aralap, «Sungrow Power Supply Co., Ltd.» qytaı energetıkalyq kompanııasynyń óndiristik bazalarynyń negizgi qyzmetimen tanysty.
