Úkimet basshysy ushaqtardyń jıi keshigýin synǵa aldy

ASTANA. KAZINFORM — QR Premer-mınıstri Oljas Bektenov áýe kompanııalary men áýejaı arasyndaǵy keleńsizdikten ushaqtarynyń jıi keshigetinin aıtty.

самолет, рейс, аэропорт
Фото: Александр Павский/Kazinform

— Halyqaralyq tájirıbege sáıkes, áýe apatyn tergeý jáne oǵan jol bermeý sharalaryn qabyldaýdy jeke vedomstvo júzege asyrady. Alaıda mınıstrlik zańnamaǵa qajetti túzetýler engizýdi uzaqqa sozyp jiberdi, tezdetińizder. Bul qyzmet bıyldan qalmaı jumys isteýge tıis. Aldymyzda 2028 jylǵa qaraı Qazaqstan arqyly júkterdi áýe kóligimen tasymaldaý kólemin eki ese arttyrý mindeti tur. Sondyqtan Kólik mınıstrligine halyqaralyq naryqta laıyqty oryn alatyn júk tasymaldaýshy ulttyq áýe kompanııasyn qurý jumysyn jedeldetýdi tapsyramyn, — dedi Oljas Bektenov Úkimet otyrysynda.

Odan ári Premer-mınıstr ishki áýe reısterin arttyrý kerektigin aıtty. 

— Sondaı-aq halyqaralyq ushý saparlarynyń geografııasyn keńeıtý boıynsha jumystar júrgizilip jatyr, biraq ushaqtar jıi keshigedi. Kóbine bul áýe kompanııalary men áýejaılardyń arasyndaǵy retsiz jumystardyń kesirinen týyndap jatady. Sondyqtan mınıstrlikke ózara is-qımyldyń tıisti tetikterin pysyqtaýdy tapsyramyn, — deıdi ol.

Buǵan deıin Úkimet basshysy Oljas Bektenov áýe tasymalyna qatysty aryz-shaǵymnyń kóp ekenin málimdegen edi. 

Sonymen qatar Qazaqstanda jyl sońyna deıin Kólik oqıǵalaryn tergeý jónindegi arnaıy ortalyq qurylatyny aıtyldy.

Сейчас читают