Úkimet basshysy mal sharýashylyǵynda ónimdilikti ulǵaıtýdy tapsyrdy
ASTANA. KAZINFORM – Inflıatsııalyq qysymdy tómendetý mańyzdy mindet. Bul týraly Úkimet otyrysynda Premer-mınıstr Oljas Bektenov aıtty.
- Mańyzdy mindet – ınflıatsııalyq qysymdy tómendetý. Naýryz aıynda ınflıatsııa 11 paıyzǵa deıin tómendedi. Inflıatsııany baqylaý jáne tómendetý jónindegi sharalar kesheniniń sapaly oryndalýyn, sondaı-aq Makroekonomıkalyq turaqtandyrý jáne halyqtyń ál-aýqatyn arttyrý jónindegi birlesken is-qımyl baǵdarlamasyn júzege asyrý barysyn baqylaýda ustaý qajet, - dedi ol.
Osy rette Úkimet basshysy mańyzdy baǵyttarda, onyń ishinde azyq-túlik ónimderin shyǵaratyn qoldanystaǵy óndiristerdi lokalızatsııalaý deńgeıin arttyryp, keńeıtý kerektigin basa aıtty.
- Aýyl sharýashylyǵy mınıstrligine mal sharýashylyǵynda ónimdilikti ulǵaıtyp, jylyjaı, kókónis jáne sút óndirisin keńeıtý, sondaı-aq qaıta óńdeý deńgeıin tereńdetý baǵytynda qosymsha sharalar qabyldaýdy tapsyramyn, - dedi Oljas Bektenov.
Buǵan deıin Oljas Bektenov kúrdeli syrtqy ekonomıkalyq ahýalǵa qaramastan shıkizattyq emes sektor básekege qabilettiligin kórsetkenin aıtqan edi.
