Úkimet basshysy ǵylymı-ınnovatsııalyq qyzmettiń tıimdiligin arttyrý josparyn daıyndaýdy tapsyrdy

- Jýyrda qabyldanǵan Ǵylymdy shoǵyrlandyrý aýmaqtaryn qurý tujyrymdamasy tehnologııalar men ınnovatsııalardyń damýyna tyń serpin beredi. Olardyń qatarynda Kýrchatovtaǵy ǵylymı qalashyqty, sondaı-aq Almatydaǵy ıAdrolyq fızıka ınstıtýty men Astanadaǵy «Nazarbaev ýnıversıteti» bazasyndaǵy eki tehnologııalyq parkti atap ótýge bolady. Barlyq ákimdik ár oblystyń naqty salalyq erekshelikterin eskere otyryp, óńirlik ınnovatsııalyq júıelerdiń qalyptasýy men ornyqty damýyn qamtamasyz etýi qajet, - dedi Premer-mınıstr.

Úkimet basshysy salaǵa ınvestıtsııany eselep arttyrý kerektigin basa aıtty.

- Onyń ishinde jeke kásiporyndar men otandyq bıznestiń esebinen júzege asyrýdy qolǵa alyp, ınnovatsııa sýbektileri arasyndaǵy uzaq merzimdi baılanystardy damytýǵa basa nazar aýdarǵan jón. Memleket basshysy jaqynda ótken ǵylymı qoǵamdastyqpen kezdesýinde ǵylymdy qarjylandyrý men jańa tehnologııalar engizýden naqty nátıje kútetinin basa aıtty. Ǵylym mınıstrligi Ǵylym akademııasymen, ǵalymdarmen jáne bıznes-qaýymdastyqpen birlesip bir aı ishinde ǵylymı-ınnovatsııalyq qyzmettiń tıimdiligin arttyrý jónindegi naqty is-sharalar josparyn daıyndaýy qajet. Bul qujatta nátıjege negizdelgen kórsetkishter, tsıfrlandyrý boıynsha sharalar jáne barlyq qatysýshylardyń jaýapkershiligi aıqyndalýy tıis, - dedi Oljas Bektenov.

Buǵan deıin Úkimet otyrysynda ınnovatsıchlardy damytý máselesi talqylanatynyn jazǵan edik.