Úkimet basshysy gaz ben munaı óndirýdi arttyrýdy tapsyrdy
ASTANA. KAZINFORM – Búgin Úkimet otyrysynda Premer-Mınıstr Oljas Bektenov mınıstrler men ákimderge bólingen qarajattyń tolyq ári ýaqtyly ıgerilýin erekshe baqylaýǵa alýdy tapsyrdy.
- Bıyl taý-ken ónerkásibindegi óndiris kólemi shamaly ǵana ósti. Energetıka mınıstrligine tabıǵı gaz ben munaı óndirý kólemin arttyrý boıynsha sharalardy kúsheıtýdi tapsyramyn. 2025 jyly munaı óndirýdi josparlanǵan kólemde qamtamasyz etý qajet, - dedi Premer-Mınıstr.
Sonymen qatar Úkimet basshysy qarasha aıynda jyldyq ınflıatsııa 8,4 paıyzǵa deıin báseńdegenin aıtty.
- Bul – áleýmettik mańyzdy másele, sondyqtan ony qatań baqylaýda ustaý qajet, - dedi Oljas Bektenov.
Osy oraıda Premer-Mınıstr orynbasary Serik Jumanǵarınge eger óńirler jergilikti jerde qajetti sharalardy qolǵa almasa, tıisti sheshimder qabyldaý úshin dereý baıandaýdy tapsyrdy.
- Bul jumysta turaqtandyrý qorlaryn, forvardtyq sharttardy, sýbsıdııalaý sııaqty qolda bar tetikterdi belsendi paıdalaný kerek. Sonymen qatar, ımportqa táýeldi ónimder óndirisin keńeıtý qajet. Inflıatsııa deńgeıin baqylaý jáne ony tómendetý jónindegi sharalar josparyn oryndaý boıynsha barlyq qajetti sharalardy qabyldańyzdar. Biz ekonomıka ósiminiń oń qarqynyn saqtap qalýǵa tıispiz. Mınıstrler men ákimderge bólingen qarajattyń tolyq ári ýaqtyly ıgerilýin erekshe baqylaýǵa alýdy tapsyramyn. Qarjy mınıstrligi bıýdjettiń kiris bóliginiń atqarylýyna baqylaýdy kúsheıtýi qajet», - dedi ol.