Úkimet basshysy derbes derekterdi qorǵaý salasyndaǵy baqylaý tetikterin kúsheıtýdi tapsyrdy
ASTANA. KAZINFORM — Ekologııalyq jaýapkershilik naqty quqyqtyq mindettemelermen birge negizgi konstıtýtsııalyq qaǵıdatqa aınalady. Bul týraly Úkimet otyrysynda Premer-mınıstr Oljas Bektenov aıtty.
— Eńbek jáne halyqty áleýmettik qorǵaý salasynda ádiletti ári qaýipsiz eńbek jaǵdaılaryn qamtamasyz etýge, sondaı-aq áleýmettik áriptestik júıesin damytýǵa basa nazar aýdarylǵan. Tsıfrlyq ekonomıkanyń damýy men jumyspen qamtýdyń jańa formalaryn eskere otyryp, eńbek zańnamasyn, onyń ishinde qashyqtan jáne platformalyq jumyspen qamtýdy beıimdeý kerek. Osyǵan baılanysty Eńbek mınıstrligi 1 sáýirge deıin memlekettik jumyspen qamtý saıasatyn jetildirý jáne halyqtyń eńbek áleýetin damytý máseleleri boıynsha Áleýmettik jáne Eńbek kodeksterine túzetýler jobalaryn Parlamentke engizsin, — dedi Úkimet basshysy.
Onyń aıtýynsha, qorshaǵan ortany qorǵaý jáne tabıǵatqa uqypty qaraý normalary Ata zań deńgeıinde bekitildi. Olardy iske asyrý Prezıdentimizdiń ekologııalyq ahýaldy jaqsartyp, halyqtyń ekologııalyq mádenıetin qalyptastyrýdy kózdeıtin «Taza Qazaqstan» bastamasyn qoldaýǵa baǵyttalǵan. Bul oraıda ekologııalyq jaýapkershilik naqty quqyqtyq mindettemelermen birge negizgi konstıtýtsııalyq qaǵıdatqa aınalady. Osyǵan oraı Ekologııa mınıstrligi 1 sáýirge deıin Ekologııalyq kodekske tıisti túzetýlerdi Parlamentke engizvýi tıis.
— Memleket basshysy derbes derekterdi qorǵaý máselesiniń ózektiligin árdaıym atap ótedi, sondyqtan tıisti normalar Ata zańda bekitildi. Bul tsıfrlandyrý men jasandy ıntellektini belsendi engizý kezinde aıryqsha mańyzdy. Jasandy ıntellekt mınıstrligi derbes derekterdi qorǵaý salasyndaǵy baqylaý tetikterin kúsheıtip, tıisti zańnamalyq túzetýlerdi jedeldetýi qajet, — dedi Oljas Bektenov.
Aıta keteıik, Úkimet jańa Konstıtýtsııa normalaryn júzege asyrý joldary talqylandy.
