Úkimet basshysy azyq-túlik taýarlarynyń turaqtandyrý qoryn jedel qalyptastyrýdy tapsyrdy
ASTANA. KAZINFORM — Tutynýshylyq nesıe berý isin turaqtandyrý boıynsha batyl sharalar qabyldaý qajet. Bul týraly Úkimet otyrysynda Premer-mınıstr Oljas Bektenov aıtty.
- Inflıatsııa deńgeıin tómendetý úshin tutyný baǵalaryn turaqtandyrý jumysyn kúsheıtý kerek. Inflıatsııaǵa syrttan keletin azyq-túlik baǵalary qysym kórsetip otyr. Sondyqtan ishki naryqty otandyq ónimmen barynsha qamtamasyz etip, azyq-túlik taýarlarynyń turaqtandyrý qorlaryn jedel qalyptastyrǵan jón. Memleket basshysy atap ótkendeı, tutynýshylyq nesıe berý isin turaqtandyrý boıynsha batyl sharalar qabyldaý qajet, - dedi Úkimet basshysy.
Oljas Bektenov bankter men nesıe berý uıymdary, saýda núkteleri taýar baǵasyndaǵy bólip tóleýdiń naqty qunyn, sondaı-aq nesıeleý kezindegi barlyq artyq tólemderdi tolyq ashyp kórsetýge tıis ekenin aıtty.
- Bul baǵytta buqaralyq aqparat quraldary men áleýmettik jelilerde tıisti túsindirý jumystaryn júrgizý kerek, - dedi Premer-mınıstr.
Aıta keteıik, Azyq-túlik korporatsııasy Qytaımen tsıfrlyq arnalardy iske qosý úshin kelissóz júrgizip jatyr.