Úkimet basshysy: Aqtaý men Quryq porttarynyń ınfraqurylymyn jańǵyrtýdy jedeldetý qajet
ASTANA. KAZINFORM – Aqtaý men Quryq porttarynyń ınfraqurylymyn jańǵyrtýdy jedeldetý qajet. Bul týraly Úkimet otyrysynda Premer-mınıstr Oljas Bektenov aıtty.
- Kólik salasynda oń dınamıka qalyptasyp, negizgi kórsetkishterdiń ósýine qol jetkizildi. Sonymen qatar temirjol jelisiniń ótkizý qabiletin júıeli túrde arttyrý qajet. Bekitilgen jobalardyń qurylysy men jańǵyrtý jumystary osy jyldyń sońyna deıin aıaqtalýǵa tıis. Búgingi tańda Transkaspıı halyqaralyq kólik baǵyty – qarqyndy damyp kele jatqan dálizderdiń biri. Aqtaý men Quryq porttarynyń ınfraqurylymyn jańǵyrtýdy jedeldetý qajet, - dedi Úkimet basshysy.
Premer-mınıstr avtojol salasyna qatysty jobalarǵa da toqtaldy.
- Avtojol salasynyń aldynda óńirlerdiń kólik baılanysyn arttyrý úshin asa mańyzdy iri strategııalyq jobalardy iske asyrý mindeti tur. Bıyl 11 myń shaqyrym avtomobıl jolyn qurylys jáne jóndeý jumystarymen qamtý qajet, - dedi Oljas Bektenov.
Buǵan deıin Úkimet basshysy mal sharýashylyǵynda ónimdilikti ulǵaıtýdy tapsyrǵanyn jazǵan edik.
