Úkimet ázirlegen Óńirlik damý tujyrymdamasynyń negizgi baǵyttary qandaı
ASTANA. KAZINFORM – Qazaqstan Respýblıkasynyń 2025-2030 jyldarǵa arnalǵan óńirlik damý tujyrymdamasy ázirlenip, múddeli memlekettik organdarmen kelisilip jatyr. Bul týraly Ulttyq ekonomıka mınıstrliginen málim etti.
Mınıstrlik agenttik saýalyna bergen jaýabynda Tujyrymdama jobasy óńirlerdiń jaǵdaıy men damý perspektıvalaryn keshendi baǵalaýdy qamtamasyz etetin úsh negizgi baǵytty aıqyndaıtyndyǵyn atap ótedi.
Birinshi baǵyt - halyqty negizgi ınfraqurylymmen (áleýmettik, ınjenerlik, kóliktik) birkelki qamtamasyz etý.
- Osy baǵyttyń aıasynda jeńildikterge qol jetkizýdegi teńsizdikti joıýǵa jáne óńirlerdegi eń ótkir ınfraqurylymdyq máselelerdi sheshýge basty nazar aýdarylatyn bolady. Bazalyq ınfraqurylymmen qamtamasyz etýde eń úlken alshaqtyq bar óńirler úshin Tujyrymdamany iske asyrý aıasynda respýblıkalyq bıýdjetten basym qarjylandyrý tártibi belgilenedi, - dedi vedomstvodan.
Ekinshi baǵyt - óńirlerdiń teńgerimdi ekonomıkalyq damýy.
- Óńirlerdiń teńgerimdi ekonomıkalyq damýy óńirlerdiń qolda bar básekelestik artyqshylyqtaryn tıimdi iske asyrýǵa negizdeledi. Bazalyq salalarǵa jáne ártaraptandyrý múmkindikterine baılanysty óńirlerdiń bar áleýeti iske asyrylady. Bul – paıdaly qazbalar qorlary, aýyl sharýashylyǵy ónimderin ósirýge arnalǵan qolda bar aýyl sharýashylyǵy jerleri, týrıstik qyzmetti damytýǵa arnalǵan rekreatsııalyq resýrstar, tranzıttik áleýetti iske asyrý úshin shekara mańy aýmaqtarynyń bolýy jáne basqalary. Sondaı-aq usynylyp otyrǵan tásilder qoldanystaǵy baǵdarlamalyq qujattarda iske asyrylatyn salalyq saıasatqa járdemdesýden týyndaǵan, - dedi mınıstrlikten.
Úshinshi baǵyt - óńirlik saıasatty iske asyrý tetikterin jetildirý.
- Atalǵan baǵytta qazirgi ózara is-qımyl modelin jetildirý arqyly «óńir-ortalyq» vedomstvoaralyq úılestirýdi júıeli túrde kúsheıtý arqyly aýmaqtardy damytýdy ınstıtýtsıonaldyq qoldaýdy qamtamasyz etý usynylady, - delingen jaýapta.
Buǵan deıin 2025 jyly Ulttyq ekonomıka mınıstrligi óńirlerde belsendi jumys isteıtindigin jazǵan edik.