Úkimet aımaqtardyń derbestigin arttyrýǵa baǵyttalǵan birqatar sharany qolǵa aldy

ASTANA. KAZINFORM – El Úkimeti aımaqtardyń derbestigin arttyrýǵa baǵyttalǵan birqatar mańyzdy sharany qolǵa aldy. Bul protsess jergilikti bılik organdaryna bıýdjetti josparlaý, ınfraqurylymdyq jobalardy basqarý jáne áleýmettik qoldaý baǵdarlamalaryn iske asyrýda úlken ókilettikterdi berýdi kózdeıdi. 

Óńirlik organdardyń ókilettikterin keńeıtý halyqtyń ótinishteri men qajettilikterine tez jáne tıimdi jaýap berýge múmkindik beredi. Jergilikti bılik resýrstardy ıkemdi basqaryp, óz oblystarynyń strategııalyq damýyna, atap aıtqanda, óńirdiń básekege qabilettiligin arttyrý jáne jumys oryndaryn qurý, ınfraqurylymdy damytý jáne jergilikti bilim men densaýlyq saqtaý deńgeıin kóterýge qatysty sheshimder qabyldaı alady.

Óńirlerdi damytý tujyrymdamasy boıynsha:

Qoldanystaǵy jergilikti ózin ózi basqarýdy damytýdyń tujyrymdamasyn iske asyrý sheńberinde 2023 jyly kelesi kórsetkishter júzege asyryldy:

• Aýdandyq mańyzy bar qalalar, aýyldar, kentter, aýyldyq okrýgter ákimderiniń tikeleı saılaýyn ótkizý jáne oblystardaǵy aýdan ákimderiniń tikeleı saılaýyn engizý;

Saılaý ákimderdiń ókilettik merziminiń aıaqtalýyna qaraı kezeń-kezeńimen ótkiziledi. 2021 jyldyń shildesi men 2024 jyldyń naýryzy aralyǵynda aýyldyq okrýgterde 2 069 ákim saılandy. Pılottyq rejımde 42 aýdan men 3 oblystyq mańyzy bar qala ákimderin saılaý ótti.

• Bıýdjettiń IV deńgeı kiristeri bazasyn keńeıtý.

Jergilikti ózin-ózi basqarýdy damytý tujyrymdamasy sheńberinde aýyldyq okrýgterdiń derbestigi úshin bıýdjettiń IV deńgeıine salyqtar men tólemderdiń 25 túri, onyń ishinde 8 salyq (tólem kózinen salyq salynbaıtyn JTS, jeke jáne zańdy tulǵalardan múlikke, jerge, kólikke salynatyn salyq, syrtqy jarnamany ornalastyrǵany úshin tólemaqy, BJS, jer ýchaskelerin paıdalanǵany úshin tólemaqy) jáne 17 salyqtyq emes tólemder berildi.

Onyń ishinde, 2022 jyly bıýdjettiń tórtinshi deńgeıine 4 tólem boıynsha túsimder (BJS, jer ýchaskelerin paıdalanǵany úshin tólem, jer ýchaskelerin satýdan túsken túsimder jáne jer ýchaskelerin satqany úshin tólem) berildi, 2022-2023 jj. qorytyndysy boıynsha olardyń túsimderi 15,9 mlrd teńgeni qurady.

Qazirgi ýaqytta zańnamalyq bazany ózgertý boıynsha jumys júrgizilýde, onyń ishinde kelesi tolyqtyrýlardy engizý kózdeledi:

• aýyl ákimi men apparatynyń ókilettikterin keńeıtý (kóshe saýdasyn qadaǵalaý; qoǵamdyq oryndardyń syrtqy bezendirilýi boıynsha jumysty uıymdastyrý; oıyn alańdaryna arnalǵan jabdyqtar jumysyn qadaǵalaý; aqyly negizde qyzmet kórsetý jáne t.b.);

• salyqtar men tólemderdiń qosymsha túrlerin bıýdjettiń IV deńgeıine aýystyrý (zańdy tulǵalar men jeke kásipkerlerge múlik salyǵy; jekelegen qyzmet túrlerimen aınalysý quqyǵy úshin lıtsenzııalyq alym; jekelegen qyzmet túrlerimen aınalysýǵa lıtsenzııany paıdalanǵany úshin alym, sý resýrstaryn paıdalanǵany úshin tólemder);

• máslıhat ókilettigin keńeıtý (ákimderdiń halyqpen kezdesýlerinde kóterilgen máselelerdiń sheshimin ákimdikterdiń qadaǵalaýy; depýtattardyń ákimdik bıýdjet komıssııalarynyń jumysyna qatysýy; qajet bolǵan jaǵdaıda bıýdjetti naqtylaýǵa bastamashylyq etý);

• máslıhat tóraǵasynyń ókilettikterin shekteý (máslıhat sessııalary, depýtattyq saýaldardy baqylaý, turaqty komıssııalardyń qyzmetin úılestirý jáne t.b.) jáne máslıhat apparaty basshysynyń ókilettikterin shekteý (kadr máseleleri, dıstsıplınarlyq jáne konkýrstyq komıssııalar jáne t.b.);

• aýyl ákiminiń eńbekaqy tóleýdiń kesimdi júıesi boıynsha eńbek kelisimshartymen turǵyndardy jumysqa alý múmkindigi (mehanızator, dánekerleýshi, santehnık, elektrık, zańger, esepshi jáne t.b.)

Ortalyqsyzdandyrý boıynsha:

Memleket basshysynyń Joldaýyn oryndaý maqsatynda Úkimettiń 21 fýnktsııasy tıisti salalyq ortalyq memlekettik organdarǵa jáne aqparattandyrý, jeke derekterdi qorǵaý, elektrondyq qujat jáne elektrondyq tsıfrlyq qoltańba jáne baılanys salalaryndaǵy 12 fýnktsııa óńirler ákimdikterine qaıta bólindi.

Memleket basshysynyń Joldaýyn oryndaý maqsatynda Úkimettiń 21 fýnktsııasy tıisti salalyq ortalyq memlekettik organdarǵa jáne aqparattandyrý, derbes derekterdi qorǵaý, Elektrondyq qujat jáne elektrondyq tsıfrlyq qoltańba jáne baılanys salalaryndaǵy 12 fýnktsııa óńirlerdiń ákimdikterine qaıta bólindi.

Sondaı-aq búginde Parlament Májilisinde aımaqtar ákimdikterine 38-ge jýyq fýnktsııany jáne aýdandyq deńgeıdegi jergilikti atqarýshy organdarǵa 18 fýnktsııany berý arqyly memlekettik basqarýdy ári qaraı ortalyqsyzdandyrýǵa baǵyttalǵan birqatar túzetýler qarastyrylýda.

Jalpy bul sharalar memlekettik organdardaǵy birinshi basshylardyń tıisti saıasatty qalyptastyrýyna jáne barlyq deńgeıdegi ákimderdiń ony júzege asyrýǵa jaýapkershilikterin arttyrady, sondaı-aq jergilikti mańyzy bar máselelerdi sheshý úshin jedel áreket etýge múmkindik beredi.

Bıýdjettik derbestik boıynsha:

Jańa Bıýdjet kodeksiniń jobasynda keń taralǵan paıdaly qazbalar men jer asty sýlaryna paıdaly qazbalardy óndirý salyǵyn respýblıkalyq bıýdjetten jergilikti bıýdjetterge aýdarý kózdelgen.

Qosymsha, respýblıkalyq deńgeıden jergilikti deńgeıge tólemder, alymdar, bajdar, aıyppuldar jáne basqa da tólemderdi berý pysyqtalýda.

Sonymen qatar óńirlerdegi ómir súrý sapasyndaǵy dısbalansty tómendetý boıynsha óńirlik saıasattyń basym mindetin bıýdjettik josparlaýda paıdalanýdyń mınımaldy standarttaryn engizý arqyly oryndaý josparlanǵan.

Osy maqsatta jańa Bıýdjet kodeksi sheńberinde mınımaldy standarttar túsinigi engizilýde, atap aıtqanda, áleýmettik, ınjenerlik-kommýnıkatsııalyq, kóliktik jáne jáne basqa da ınfraqurylymnyń mınımaldy standarttaryn (jelilerin) eskere otyryp, bıýdjet shyǵystardy josparlaýdyń zańnamalyq negizi qalanǵan.

Atalǵan qaǵıdalar Qurylys kodeksiniń jobasyna da engizilgen.

Osy rette aldaǵy ýaqytta respýblıkalyq deńgeıde tek respýblıkalyq mańyzy bar jobalardy ǵana qarjylandyrý josparlanýda, al barlyq bazalyq ınfraqurylym JB esebinen qarjylandyrylady.