Úkimet avtorlyq quqyq máselesine memlekettik monopolııa engizý usynysyn qoldamady
ASTANA. KAZINFORM – Májilis depýtattarynyń kreatıvti ındýstrııany damytýǵa arnalǵan zań jobasy arqyly avtorlyq quqyq máselesin memleket monopolııasyna ótkizý týraly usynysyn qoldamaı otyr. Bul týraly Ádilet mınıstrliginiń Kazinform saýalyna joldaǵan jaýapta aıtylǵan.

- «Qazaqstan Respýblıkasynyń keıbir zańnamalyq aktilerine kreatıvti ındýstrııalardy qoldaý jáne damytý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańynyń jobasynda Qazaqstan Respýblıkasy Parlament Májilisiniń depýtattary ujymdyq basqarý salasynda memlekettik monopolııany engizýdi usyndy. Zań jobasy boıynsha Qazaqstan Respýblıkasy Úkimetiniń qorytyndysynda bul usynys qoldaý tapqan joq, - dep jazylǵan málimette.
Degenmen bul máselege núkte qoıyldy degen sóz emes. Mınıstrlik usynǵan málimet boıynsha, erteń Almatyda Ádilet vıtse-mınıstri Botagoz Jakselekova men Zııatkerlik menshik quqyǵy komıtetiniń tóraǵasy Sholpan Abdreeva avtorlyq qoǵam ókilderimen kezdesip, osy máseleni talqylaıdy.
Buǵan deıin Shámshi áýleti kompozıtor ánderine sóz jazǵan avtorlardyń urpaǵyna izdeý salatynyn jazǵan edik.