Úkimet Arqalyqta sý tasqynynan zardap shekkenderge úı satyp alýǵa qarajat bóldi
ASTANA. KAZINFORM — Úkimet qaýlysymen sý tasqyny saldarynan zardap shekken Qostanaı oblysy Arqalyq qalasynyń turǵyndaryn baspanamen qamtamasyz etý úshin Úkimettiń tótenshe rezervinen 405 mln teńge bólindi.
Qarajat 2024 jylǵa arnalǵan respýblıkalyq bıýdjette kózdelgen Úkimettiń tótenshe rezervinen bólindi.
Qarjylandyrý QR Ónerkásip jáne qurylys mınıstrligi arqyly komıssııanyń baǵalaýyna sáıkes Arqalyq qalasynda úıleri qalpyna keltirýge kelmeıtin otbasylarǵa turǵyn úı satyp alý úshin nysanaly transfertter túrinde Qostanaı oblysynyń ákimdigine jiberildi.
Qostanaı oblysyndaǵy sý tasqyny jaǵdaıy Respýblıkalyq shtabtyń baqylaýynda.
Búginde úlken sýdyń qarqyny báseńdep, qaýiptiń beti qaıta bastady.
Qalalyq jáne aýdandyq ákimdikter tabıǵı sıpattaǵy TJ saldarynan múlki búlingen azamattardan materıaldyq shyǵyndy óteý týraly ótinishterdi tirkedi.
Baǵalaý komıssııasy jumysynyń qorytyndysy boıynsha sheshim qabyldandy. Sonymen birge Arqalyq qalasynda jáne basqa da eldi mekenderde úılerdi tekserý jumystary jalǵasýda.
TJ rejımi jarııalanǵan basqa oblystarda da zardap shekken nysandardy tehnıkalyq tekserý, baǵalaý jáne tizbesin jasaý boıynsha jumystar júrgizilýde.
Qaýiptiń azaıýyna qaraı sý tasqyny kezinde zardap shekken azamattardyń turǵyn úı máseleleri sheshiledi.
