14:11, 27 Sáýir 2024 | GMT +6
Úkimet Apparaty Astanadaǵy jalpyqalalyq senbilikke qatysty
ASTANA. KAZINFORM - Qazaqstan Úkimeti Apparatynyń basshylyǵy men qyzmetkerleri Memleket basshysy Qasym-Jomart Toqaevtyń bastamasymen uıymdastyrylǵan «Taza Qazaqstan» respýblıkalyq ekologııalyq aktsııasy aıasynda ótken qalalyq senbilikke qatysty.
Premer-Mınıstr Oljas Bektenov bastaǵan Úkimet Apparatynyń qyzmetkerleri «EXPO» aýmaǵynda 150-ge jýyq kóshet otyrǵyzdy, onyń ishinde emen, qaıyń, shyrsha, saǵyzqaraǵaı jáne basqa da aǵash túrleri bar.
Ekologııalyq aktsııanyń 3 aptasynda 4,6 myńnan astam tonna qoqys shyǵaryldy. Astanada 50 myńnan astam aǵash otyrǵyzyldy. Bıyl elordada barlyǵy 1,1 mln-ǵa jýyq jasyl jelek otyrǵyzý josparda bar.
