Úkimet áleýmettik mańyzy bar azyq-túlik baǵasyn ustap turmaq

ASTANA. KAZINFORM — Úkimet otyrysynan keıingi brıfıngte Premer-mınıstrdiń orynbasary — Ulttyq ekonomıka mınıstri Serik Jumanǵarın azyq-túlik baǵasynyń ósimine qatysty pikir bildirdi.

Vıtse-premerdiń aıtýynsha, elde eń jıi tutynylatyn azyq-túliktiń 29 túri bar.

— Jalpy, azyq-túlik sebetinde taýardyń 160 túri qamtylǵan. Qazir negizinen áleýmettik mańyzy bar azyq-túlik taýarlarynyń tizimine kirmeıtin ónimderdiń baǵasy ósip jatyr. Áleýmettik mańyzy bar azyq-túlik taýarlarynyń baǵasy ósip jatqan joq. Osy aıdyń eki aptasynda 0,1 paıyz ǵana ósti. Áleýmettik mańyzy bar azyq-túlik taýarlarynyń baǵasy óspeıdi dep oılaımyn. Óıtkeni ony baqylap otyrmyz. Onda saýda ústemesin baqylaýǵa múmkindik, barynsha qatań shekteý bar, — dedi Serik Jumanǵarın.

Ol qazirgi ýaqytta áleýmettik mańyzy bar taýarlar tizimine kirmeıtin ónimderdiń baǵasy ósip jatqanyn atap ótti.

— Qazir áleýmettik mańyz bar azyq-túlik taýarlary tizimine kirmeıtin qyzanaq, qııar, ettiń ártúriniń baǵasy ósip jatyr. Sol sııaqty keń qoldanysta bolmasa da qaraqumyq baǵasy da qatty ósip jatyr. Taýar retinde aıtarlyqtaı qymbattap otyr. Sondyqtan bul máseleni qalaısha jasaýǵa bola ma, joq pa — sony zerttep jatyrmyz. Qajet pe, qajet emes pe? Ýaqytsha ma, turaqty ma? Osy máselemen qazir Saýda jáne ıntegratsııa mınıstrligi aınalysyp jatyr, — dedi Serik Jumanǵarın.

Sonymen qatar ol jańa jyl aldynda azyq-túlik baǵasy qalaı qubylatyny týraly pikir bildirdi.

Budan bólek halyqtyń tabysyn ınflıatsııadan qorǵaýdyń 3 jyldyq baǵdarlamasy qabyldandy.