Úkimet aldaǵy 3 jylda Ulttyq qordan 5 trln teńge nysanaly transfert almaq
ASTANA. KAZINFORM – Aldaǵy 3 jyl ishinde bıýdjet tapshylyǵy 4 trln teńge bolady. Bul týraly Úkimet otyrysynda 2027-2029 jyldarǵa arnalǵan áleýmettik-ekonomıkalyq damý boljamdaryn jarııalanǵan Premer-mınıstrdiń orynbasary – Ulttyq ekonomıka mınıstri Serik Jumanǵarın málim etti.
- Taýarlar eksporty boljam boıynsha 2027 jyly 82,8 mlrd AQSh dollarynan 2029 jyly 88,5 mlrd AQSh dollaryna deıin ósedi, ımport 80,5-ten 88,4 mlrd AQSh dollaryna deıin. Inflıatsııanyń boljamdy dálizi 2027 jyly 7,5-9,5 paıyz, 2028-2029 jyldary 6-8 paıyz deńgeıinde anyqtalǵan, - dedi ol.
Serik Jumanǵarın makro boljamnyń negizinde respýblıkalyq bıýdjettiń kirisi boljam boıynsha 2027 jyly – 19,9 trln teńge, 2028 jyly – 21,7 trln teńge, 2029 jyly 23,4 trln teńge bolatynyn aıtty.
- Kepildendirilgen transfert bıýdjet erejesin eskere otyryp 2027-2028 jyldary 2 trln 430 mlrd teńge jáne 2029 jyly 2 trln teńge kóleminde aıqyndaldy. Sondaı-aq asa mańyzdy nysandar men jalpy el úshin mańyzy bar jobalardy qarjylandyrýǵa Ulttyq qordan 2027 jyly 2 trln teńge jáne 2028-2029 jyldary ár jylǵa 1,5 trln teńge nysanaly transfert qarastyrylǵan, - dedi vıtse-premer.
Aıta keteıik, Úkimet otyrysynda 2027-2029 jyldarǵa arnalǵan áleýmettik-ekonomıkalyq damý boljamdary men «2027-2029 jyldarǵa arnalǵan respýblıkalyq bıýdet týraly» zań jobasy, sonymen qatar aldaǵy jylytý maýsymyna daıyndyq barysy talqyǵa salynady.
