Úkimet «Alataý qalasynyń arnaýly quqyqtyq rejımi týraly» Konstıtýtsııalyq zańǵa qajetti ózgerister daıyndaıdy
ASTANA. KAZINFORM — Búgin Qazaqstan halqyna Joldaýyn jarııalaý kezinde Prezıdent Qasym-Jomart Alataý qalasyna qatysty tapsyrma berdi.
Memleket basshysynyń aıtýynsha, ınvestıtsııalar men kásipkerlik úshin qolaıly orta retinde qarastyrylǵan Alataý jedel damý qalasyn qurýdyń zor mańyzy kópshilikke aıqyn boldy. Kez kelgen halyqaralyq ıýrısdıktsııanyń uzaq merzimdi tartymdylyǵyn qamtamasyz etetin basty shart — tıimdi sot júıesi.
Sondyqtan «Alataý» qalasynda sot tóreligin júzege asyrýdyń joǵary sapasyn qamtamasyz etetin sot júıesi qurylýy tıis. Kommertsııalyq daýlardy aǵylshyn jalpy quqyǵy úlgisine negizdelgen ınvestıtsııalyq sot qaraıtyn bolady.
Arnaıy quqyqtyq rejımge qatysty basqa barlyq máseleler azamattyq sottyń quzyretine jatady.
Memleket basshysynyń sózine qaraǵanda, Úkimet 2027 jylǵy qańtar aıynyń sońyna deıin «Alataý qalasynyń arnaýly quqyqtyq rejımi týraly» Konstıtýtsııalyq zańǵa qajetti ózgerister men tolyqtyrýlardy Quryltaıdyń qaraýyna usynýy tıis.
Aıta ketelik Toqaev ınvestor tartýdaǵy júıesizdikti synǵa alǵan edi.
