Úkimet AQSh-ta Qazaqstan eksportyna belgilengen bajdyń saldaryn eseptep jatyr - SІM

ASTANA. KAZINFORM – Májilistiń jalpy otyrysynyń aldynda Syrtqy ister mınıstriniń orynbasary Álibek Qýantyrov AQSh-ta Qazaqstan eksportyna belgilengen baj týraly pikir bildirdi.

- Biz bul máseleni zerdelep jatyrmyz. Óıtken bajdyń jańa mólsherin endi ǵana engizdi. Qatelespesem, 27 paıyz boldy ǵoı deımin (Qazaqstannan AQSh-qa eksporttalatyn taýarlarǵa – red.). Sondyqtan qazir Úkimette talqylanyp jatyr, eseptep jatyrmyz, - dedi Álibek Qýantyrov.

Teńge AQSh-tyń baj salyǵyna qalaı áreket etkenin jazǵan bolatynbyz.

AQSh Prezıdenti Donald Tramp Qazaqstandy qosa alǵanda 185 elden keletin taýarǵa jańa baj salyǵy engiziletinin málimdedi. Osyǵan oraı qarjy sarapshylary Andreı Chebotarev pen Rasýl Rysmambetov elimizdiń ekonomıkasyna onyń qandaı saldary bolýy múmkin ekenine qatysty oılarymen bólisti.