Úkimet Air Astana áýe kompanııasynyń IPO-syn ótkizý máselesin talqylady
ASTANA. KAZINFORM — QR Premer-Mınıstri Álıhan Smaıylovtyń tóraǵalyǵymen ótken Ekonomıkany jańǵyrtý máseleleri jónindegi memlekettik komıssııanyń otyrysynda Air Astana áýe kompanııasynyń IPO-syn ótkizý máselesin talqylady. Bul týraly QR Premer-Mınıstriniń resmı aqparattyq resýrsy málim etti.
ІPO Jekeshelendirýdiń 2021-2025 jyldarǵa arnalǵan keshendi josparyn júzege asyrý aıasynda bıyl ótýi tıis ekeni atap ótildi.
Búginde «Samuryq-Qazyna» AQ men Air Astana kompanııasy halyqaralyq keńesshilermen birge úlken daıyndyq jumystaryn júrgizdi.
Jıynda qaralǵan ózekti másele – bıyl 29 qańtar men 8 aqpan aralyǵynda josparlanǵan ótinishterdi qabyldaý protsesin bastaý úshin kompanııanyń bir qarapaıym aktsııasy men bir ǵalamdyq depozıtarlyq qolhatynyń baǵa dıapazonyn anyqtaý.
Anyqtama: IPO (Initial Public Offering) – ınvestıtsııa tartý maqsatynda kompanııa aktsııalaryn qor bırjasynda bastapqy ornalastyrý. IPO kezinde kompanııa ashyq aınalymǵa aktsııalaryn shyǵarady, olardy ınstıtýtsıonaldy ınvestorlar da, jeke ınvestorlar da satyp ala alady.
