Úkimet 2030 jylǵa deıingi QR óńirlik damý tujyrymdamasyn bekitti

ASTANA. KAZINFORM — Prezıdent tapsyrmalaryn júzege asyrý jáne óńirlerdiń turaqty damýyn qamtamasyz etý maqsatynda Úkimet Qazaqstan Respýblıkasynyń 2030 jylǵa deıingi óńirlik damý tujyrymdamasyn bekitti.

Bul týraly Ulttyq ekonomıka vıtse-mınıstri Baýyrjan Omarbekov aıtty.

Onyń sózinshe, qujat halyqtyń ómir súrý sapasyn arttyrýǵa jáne makroóńirler men damýdyń basty baǵyttary negizinde óńirlerdiń ekonomıkalyq áleýetin ashýǵa baǵyttalǵan.

Bul – aglomeratsııalar, monoqalalar, tireý aýyldar jáne jańa Alataý qalasy. Qujatta áleýmettik, ınjenerlik jáne kólik ınfraqurylymyna qol jetkizýdegi teńsizdikterdi azaıtýǵa erekshe kóńil bólinedi.

— Búginde Óńirlik standarttar júıesine sáıkes, eldi mekenderdiń qamtamasyz etilý deńgeıi 64%-dy qurady. Al 2028 jylǵa qaraı 70%-ǵa deıin ósý boljanýda. Budan bólek, 2030 jylǵa qaraı eldegi jalpy ishki ónimde shaǵyn jáne orta bıznestiń qosatyn úlesi 40%-ǵa deıin jetpek, — dep atap ótti Baýyrjan Omarbekov. 

Buǵan deıin Qazaqstan Respýblıkasynyń 2025-2030 jyldarǵa arnalǵan óńirlik damý tujyrymdamasy ázirlenip, múddeli memlekettik organdarmen kelisilip jatqany habarlanǵan edi.