Úkimet 2027 jylǵa qaraı statıstıkalyq esepterdiń sanyn 50% qysqartpaqshy

ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın 2027 jylǵa qaraı statıstıkalyq esepterdiń kólemin 50 paıyz qysqartý josparlanǵan málim etti.

- 2023 jyly statıstıkalyq eseptiliktiń 18 nysany, 2024 jyly 8 nysany qysqartyldy, ıaǵnı sońǵy eki jylda 2022 jylmen salystyrǵanda statıstıkalyq nysandardyń 20%-y qysqartyldy. Keleshekte, 2027 jylǵa qaraı statıstıkalyq eseptilikti 50%-ǵa qysqartý josparlanýda. Bul rette, eseptiliktiń árbir statıstıkalyq nysany salalyq baǵytqa sáıkes kórsetkishterdiń belgili bir tizbesin qamtıdy jáne onyń mazmuny basqa nysandarda qaıtalanbaıdy, - dep jazady vıtse-premer Májilis depýtatynyń saýalyna joldaǵan jaýapta.

Aıtýynsha, Ulttyq statıstıka bıýrosynyń 2025 jylǵy jumystar statıstıkalyq eseptiń 111 túri engizilgen.

- Árbir respondent qyzmetine baılanysty orta eseppen ártúrli kezeńdiliktegi 4-5-ten aspaıtyn esep tapsyrady. USB respondentterge júktemeni azaıtý úshin turaqty negizde jyl saıyn statıstıkalyq quraldarǵa revızııa júrgizedi jáne múmkindiginshe statıstıkalyq eseptilikti qysqartady, - dep jazylǵan resmı málimette.

Aıta ketý kerek, elimizde Ulttyq statıstıka bıýrosyna jalǵan málimet usynǵan mekemelerge aıyppul salynady.