Úkimet 2024 jyly 16 zań jobasyn ázirleıdi
Úkimet 2024 jylǵa arnalǵan zań jobalaý jumystary josparyn maquldady, dep habarlaıdy Kazinform.
«Ádilet mınıstrligi Memleket basshysynyń, Úkimet basshylyǵynyń tapsyrmalary, strategııalyq qujattar, memlekettik organdardyń usynystary negizinde Úkimettiń 2024 jylǵa arnalǵan zań jobalaý jumystary josparynyń jobasyn daıyndady. Jospar jobasymen 2024 jyly tsıfrlyq tehnologııalardy, áleýmettik salany, zııatkerlik menshik salasyn, ınnovatsııalyq qyzmetti, ǵarysh salasyn jáne basqa da salalardy damytý sııaqty ózekti baǵyttar boıynsha 16 zań jobasyn ázirleý kózdelgen. Josparlanǵan 16 zań jobasynyń ishinen 2 zań jobasy buryn rettelmegen qoǵamdyq qatynastardy reglamentteýge baǵyttalatyn bolady. Atap aıtqanda, «Digital Bridge 2023» forýmynda sóılegen sózinde Memleket basshysy álemdik ozyq tájirıbege jaýap beretin, naryqtyń qajettilikterin de, azamattardyń múddesin de eskeretin, zamanaýı quqyqtyq retteýshi bazany, onyń ishinde Tsıfrlyq kodeks jobasyn da ázirleý jóninde aýqymdy mindet qoıdy», - dedi mınıstr búgin Úkimet otyrysynda.
Onyń atap ótýinshe, ýaqyt talaptaryna sáıkes bilim jáne ǵylym salasyn damytý jáne ýnıversıtetterdi turaqty qarjylandyrýdy qamtamasyz etý maqsatynda nysanaly kapıtal qory týraly zań jobasyn ázirleý usynylady. Zań jobasyn qabyldaý qoǵamdyq qatynastardy retteýge jáne nysanaly kapıtal qorlary salasyndaǵy memlekettik saıasattyń quqyqtyq negizderin belgileýge, sondaı-aq olardyń qyzmeti men uıymdastyrylýynyń naqty júıesin qurýǵa múmkindik beredi.
«Birqatar zań jobasy 2030 jylǵa deıingi quqyqtyq saıasat tujyrymdamasynan týyndaıdy. Bul – jer qoınaýyn paıdalaný jáne normashyǵarý salasy máseleleri jónindegi zańnamany jetildirý. Óz kezeginde Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha zań jobasyn ázirleý Qarjylyq monıtorıngti damytýdyń 2022-2026 jyldarǵa arnalǵan tujyrymdamasynan týyndap otyr», - dedi Azamat Esqaraev.
Budan basqa, mınıstr jospardyń jobasy respýblıkalyq bıýdjet jáne Ulttyq qordan kepildendirilgen transfert týraly jyl saıynǵy negizde ázirlenetin zań jobalaryn kózdeıtindigin aıtady.
«Osylaısha, jospar jobasy memlekettik retteýdiń ózekti mindetterin sheshý úshin qajetti zań jobalaryn qamtıdy jáne memleket damýynyń saıası baǵytymen sáıkes keledi. Jospar jobasy barlyq múddeli memlekettik organdarmen kelisildi. «Quqyqtyq aktiler týraly» zańǵa sáıkes jospardyń jobasyn Memleket basshysymen kelisýge jiberý usynylady», - dedi ol.
