UQK: Jelide terrorızmdi nasıhattady degen kúdikpen 4 qazaqstandyq ustaldy
ASTANA. KAZINFORM — UQK Almaty, Shymkent qalalarynda jáne Túrkistan oblysynda dinı radıkaldardyń zańsyz áreketine tosqaýyl qoıdy.

2025 jylǵy 17 aqpanda UQK prokýratýra organdarynyń úılestirýimen, polıtsııanyń kómegimen Almaty, Shymkent qalalarynda jáne Túrkistan oblysynda dinı radıkaldar áreketiniń jolyn kesti.
— Terrorızmdi, sonyń ishinde áleýmettik jeliler arqyly nasıhattady degen kúdikpen 4 qazaqstandyq ustaldy. Olardyń turǵylyqty jerlerin tintý barysynda zattaı dáleldemeler tárkilendi. Qylmystyq kodekstiń 256-baby boıynsha sotqa deıingi tergep-tekserý júrgizilýde. Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy, — dep atap ótti vedomstvonyń baspasóz qyzmeti.
Osyǵan deıin Jambyl oblysynda dinı radıkaldar tobynyń 11 múshesi ustalǵanyn jazǵan edik.