UQK Jańaózende qarýdy qaıta jasaıtyn oryndy anyqtady
Mańǵystaý oblysynyń Jańaózen qalasynda elestetý qarýyn jaýyngerlikke qaıta jasaý jónindegi tseh joıyldy. Osy áreketti uıymdastyrdy degen kúdikpen eki azamat ustaldy. 4 «Kalashnıkov» avtomaty, «SKS» ıir oıyqty karabıni jáne 48 patron alyndy.
Almaty oblysynda qańtar oqıǵalary kezinde Almaty q. qarý dúkenin tonaýǵa qatysy bar degen kúdikpen qylmystyq top ustaldy. Tergeý is-qımyldary barysynda jasyryn oryn tabylyp, odan 189 patron alyndy.
Almaty oblysy Talǵar aýdanynda jasyryn oryn tabylyp, odan 2 tegis uńǵyly myltyq, 1 pnevmatıkalyq myltyq, 1 jaryq-shý granatasy jáne ártúrli kalıbrdegi 27 patron alyndy. Aldyn ala derekter boıynsha, tabylǵan qarý Almaty q. «Qorǵan» qarý dúkeninen urlanǵan.
Almaty q. buryn ustalǵan «Qazaqstandyqtar» UQT músheleri 19 birlik tegis uńǵyly myltyqty erikti túrde tapsyrdy.
Sonymen qatar Almaty óńiriniń turǵyndarynan 9 birlik qarý, 274 patron alyndy.
Taraz qalasynda anyqtalǵan jasyryn orynnan 1 «Kalashnıkov» avtomaty, kalıbri 5.45 mm 31 patron, oqjatary bar 2 «Makarov» pıstoleti, 12-shi kalıbrli bir uńǵyly kelte myltyq alyndy.
Pavlodar oblysynda 2 kelte myltyq, 1 «F-1» granatasy, «PTB140/2» markaly pıstolet jáne ártúrli kalıbrdegi 70 patron bar jasyryn oryn tabyldy.
Soltústik Qazaqstan oblysynda oq-dárilerdi urlady jáne ótkizdi degen kúdikpen Petropavl q. turǵyny ustalyp, odan «Makarov» pıstoletine 961 patron jáne «Kalashnıkov» avtomatyna 741 oq-dári tabylyp, alyndy.
Túrkistan oblysynda polıtsııa organdarymen birlesip, Jetisaı aýdanynyń turǵyny ustaldy. Turǵylyqty jeri boıynsha kelte myltyq jáne «Kalashnıkov» avtomatyna 20 patron alyndy
Qyzylorda oblysynda ıesiz qalǵan ǵımarattaǵy jasyryn orynnan optıkalyq kózdeýishi bar «Tıgr» markaly 1 karabın jáne oǵan 17 patrony bar 2 oqjatar alyndy.
Atyraý oblysynda 12-shi kalıbrli 2 tegis uńǵyly kelte myltyq alyndy.
Zańsyz aınalymnan barlyq alynǵany: 47 birlik qarý, 2 granata, 2398 oq-dári.
Osy faktiler boıynsha sotqa deıingi tergeý júrgizilýde.
