UQK Jambyl oblysynyń shekarasynda atys boldy degen aqparatty joqqa shyǵardy
ASTANA.KAZINFORM – Buǵan deıin jelide Jambyl oblysyndaǵy shekarashylardyń oq atýǵa májbúr bolǵany jáne birneshe adamnyń jaralanǵany týraly aqparat taraǵan bolatyn, dep habarlaıdy Kazinform agenttiginiń tilshisi.
Keıin Ulttyq qaýipsizdik komıteti bul aqparattyń shyndyqqa janaspaıtynyn resmı túrde málimdedi.
Vedomstvo tekserilmegen aqparatty taratqanda abaı bolý kerektigin eske saldy.
Qylmystyq kodekstiń 274-babynyń 3-tarmaǵyna sáıkes, BAQ, telekommýnıkatsııa jelilerin jáne ınternet-alańdardy paıdalana otyryp, jalǵan aqparat taratý úsh myń AEK (11 796 000 teńge) mólsherinde aıyppul salýǵa ne sol mólsherde túzeý jumystaryna tartýǵa, 800 saǵatqa deıingi merzimge qoǵamdyq jumystarǵa jegýge nemese úsh jylǵa deıingi merzimge bas bostandyǵynan shekteý nemese aıyrý jazasy qarastyrylady.
Buǵan deıin Qazaqstan-Qyrǵyzstan shekarasyndaǵy baqylaý-ótkizý beketi táýlik boıy jumys isteýge kóshkeni habarlanǵan bolatyn.