UQK zańsyz kóshi-qon arnasyn anyqtady
«Qazaqstan Respýblıkasy Ulttyq qaýipsizdik komıteti Pavlodar oblysy boıynsha Polıtsııa departamentiniń Pavlodar aýdany boıynsha kóshi-qon qyzmeti tobynyń aǵa ınspektory polıtsııa kapıtany T.Mýrzalınovtyń quqyqqa qarsy áreketterin anyqtap, jolyn kesti. Ol Qazaqstan azamaty I.Ospanov jáne Ózbekstan azamaty K.Djýraevpen kelisý arqyly Qazaqstan Respýblıkasyna Ózbekstan men Tájikstannan zańsyz kóshi-qon arnasyn uıymdastyrǵan» delingen habarlamada.
Málimetke saı, 2018 jyldyń qarasha aıynda UQK Pavlodar oblysy boıynsha departamenti T.Mýrzalınovty eńbek mıgranttaryn zańsyz resimdeýge kómek kórsetkeni úshin para alý ústinde ustady. Sonymen qatar, qylmystyq toptyń músheleri K.Djýraev jáne I.Ospanov tutqynǵa alyndy.
Tergeý áreketteri barysynda OAÓ elderinen turatyn 35 kýáger atalǵan faktilerdi moıyndady.
Sot úkimimen T.Mýrzalınov QR QK 394-baby 2-bólimi «zańsyz kóshi-qon uıymdastyrý», 361-baby 1-bólimi «laýazymdyq ókildigin teris paıdalaný», 366-baby 1-bólimi «para alý» boıynsha qylmystyq jaýapqa tartylyp, 1 202 500 teńge (500 AEK) mólsherinde aıyppul salyndy jáne memlekettik qyzmette laýazymǵa ıe bolý quqyǵynan aıyryldy.
I.Ospanov QR QK 394-baby 2-bólimi «zańsyz kóshi-qon uıymdastyrý» boıynsha qylmystyq quqyq buzýshylyq jasaǵany úshin kináli bolyp tanylyp, 841 750 teńge (350 AEK) mólsherinde aıyppul salyndy.
K.Djýraev QR QK 394-baby 2-bólimi «zańsyz kóshi-qon uıymdastyrý» boıynsha qylmystyq quqyq buzýshylyq jasaǵany úshin kináli bolyp tanylyp, 2 jyl 6 aı merziminde bostandyǵynan aıyrý jazasy taǵaıyndaldy.
Sot úkimi zańdy kúshine endi.