UQK Ystanbulǵa zańsyz altyn quımany áketýdiń jolyn kesti
ASTANA. QazAqparat - Elorda áýejaıynda quny 35 mln teńge turatyn qundy metall kontrabandasynyń joly kesildi, dep habarlaıdy QR UQK ShQ baspasóz qyzmeti.
2017 jyldyń 23 tamyzynda jedel is-shara júrgizý barysynda Astana-Ystanbul baǵytyndaǵy halyqaralyq reıstiń jolaýshylary men júkterin tirkeý kezinde UQK qyzmetkerleri Qazaqstan Respýblıkasynan Túrkııa Respýblıkasyna 950-996 synamaly jalpy salmaǵy 4 keli 900 gramm bolatyn altyn quıma túrindegi kontrabandalyq taýardy alyp ótý qylmysyn áshkereledi.
Qylmysty áýejaı qyzmetkeri jasaǵan. Ol ishki belbeýine salynǵan kontrabandalyq zatty baqylaý jáne rásimdeý aımaǵynan ótip, shekaradan alyp shyqqan. Qazir qylmystyq is tergelýde.
