UQK Tóraǵasy: Qaýip-qaterler órship turǵan búgingi jaǵdaıda dinı ekstremızm ıdeologııasyna qarsy birlesken júıeli jumys qajet
ASTANA. QazAqparat - Búgin Astanada Terrorǵa qarsy ortalyǵynyń (TQO) quramyndaǵy Bas prokýratýra memlekettik jáne jergilikti atqarýshy organdar basshylyǵynyń qatysýymen Qazaqstan Respýblıkasy Terrorızmge qarsy ortalyǵynyń kezekti otyrysy bolyp ótti, dep habarlaıdy Qazaqstan Respýblıkasy UQK baspasóz qyzmeti.
Otyrys barysynda jarylǵysh zattar, prekýrsorlar jáne aýylsharýashylyq tyńaıtqyshtaryn terrorıstik maqsatta qoldanýǵa jol bermeý máseleleri qarastyryldy. Atalǵan saladaǵy zańnamany jetildirý is-sharalary anyqtaldy.
TQO basshysy - UQK Tóraǵasy N.Á. Ábiqaev halyqaralyq jáne óńirlik qaýip-qaterler men syn-tegeýrinderdiń órshý jaǵdaıynda memleket pen qoǵam tarapynan terrorızm jáne dinı ekstremızm ıdeologııasyna qarsy birlesken júıeli jumystyń qajettigin basa aıtty. Terrorıstik qaýip jaǵdaıynda barlyq jumyldyrylǵan kúshter men quraldardyń jedel áreket etýge daıyndyǵyn udaıy qamtamasyz etý mańyzdylyǵyn erekshe atap ótti.
TQO otyrysy qorytyndysy boıynsha tıisti hattamalyq sheshimder qabyldandy.
