UQK Terrorızmge qarsy ortalyǵy jyl qorytyndysyn shyǵardy
ASTANA. Jeltoqsannyń 4-i. QazAqparat. Jeltoqsannyń 4-de bolyp ótken Terrorızmge qarsy ortalyq (TQO) Vedomstvoaralyq úılestirý komıssııasynyń májilisinde UQK Terrorızmge qarsy ortalyǵynyń 2009 qyzmetiniń qorytyndysy shyǵaryldy,
dep habarlady vedomstvonyń baspasóz qyzmetinen.
Májiliske qatysýshy 9 respýblıkalyq mınıstrlik pen vedomstvo ókilderi terrorızmge jáne ekstremızmge qarsy áreket etý salasyndaǵy birlesken is-sharalardy odan ári jandandyrý sharalaryn talqylady. Komıssııa jumysynyń jospary jáne 2010 jylǵa arnalǵan respýblıkalyq terrorızmge qarsy oqý-jattyǵýlardy ótkizý kestesi bekitildi.
UQK Tóraǵasynyń birinshi orynbasary - Terrorızmge qarsy ortalyqtyń basshysy general-leıtenant Ádil Shaıahmetov óz sózinde aǵymdaǵy jylda halyqaralyq kelisimderdi ratıfıkatsııalaý, árekettegi zańnamany jetildirý, vedomstvoaralyq úılestirý jáne óńirlik qaýipsizdik negizderin nyǵaıtý boıynsha birqatar salmaqty is-sharalar iske asyryldy dep atap ótti.
TQO Vedomstvoaralyq úılestirý komıssııasynyń jáne UQK oblystardaǵy Departamentteri janyndaǵy úılestirý toptarynyń tarapynan memlekettik organdardyń ózara árekettestigin nyǵaıtý jáne yqtımal terrorlyq qaýip-qaterlerge jaýap qatý mehanızmderin jetildirý boıynsha, sondaı-aq strategııalyq jáne basqa da terrorlyq turǵydan jandy obektilerdiń terrorǵa qarsy qorǵanysyn kúsheıtý boıynsha jumystar jalǵastyryldy.
Esep berý kezeńinde «Zapad-Antıterror-2009» tolyq aýqymdy respýblıkalyq jedel-taktıkalyq (tamyz, Aqtaý q.) oqý-jattyǵýy ótkizildi. Jalpy alǵanda elimiz boıynsha josparly 194 terrorızmge qarsy oqý-jattyǵý men jattyǵý ótkizildi.
Halyqaralyq yntymaqtastyqty odan ári tereńdetý boıynsha tájirıbe jalǵastyryldy.
Májiliske qatysqan memlekettik organdardyń basshylary TQO-nyń 2009 jyldaǵy jumysyn qanaǵattanarlyq dep tapty. Komıssııanyń sheshimimen qyzmetti odan ári jetildirýge baǵyttalǵan birqatar shara belgilendi.
