UQK terrorızmge qarsy oqý-jattyǵý ótkizdi

ALMATY. QazAqparat –Ulttyq qaýipsizdik komıtetiniń bólimsheleri Almaty qalasy men Almaty oblysynyń aýmaǵynda «Sprýt-2020» keshendi jedel-taktıkalyq oqý-jattyǵýyn ótkizdi. Bul týraly QazAqparat UQK silteme jasap habarlaıdy.

Oqý-jattyǵýdyń maqsaty terrorızmge qarsy is-sharalardy ótkizý jáne tótenshe jaǵdaılardy, Memlekettik shekarany jappaı zańsyz kesip ótýdi oqshaýlaý yqtımaldyǵy kezinde birlesken taktıkalyq is-qımyldar barysynda QR UQK bólimsheleriniń ózara is-qımylynyń tıimdiligin arttyrý boldy.

«Sprýt-2020» keshendi jedel-taktıkalyq oqý-jattyǵýy Ulttyq qaýipsizdik komıteti bólimsheleriniń halyqaralyq terrorızm men ekstremızmniń ózge de kórinisterinen týyndaıtyn qaýip-qaterge qarqyndy qarsy turý isinde kúsh-jigerin biriktirýdegi kezekti qadam boldy», - dedi komıtetten.
Sonymen qatar is-shara barysynda jaǵdaıdy baǵalaýǵa biryńǵaı tásildi jáne terrorıstik qaýip-qater ákelýshiler men olardyń qaınarkózderin joıýǵa baǵyttalǵan tıimdi sharalar júıesin ázirleý pysyqtaldy.
Oqý-jattyǵý qorytyndylary boıynsha bólimsheler qoıylǵan mindetterdi sátti oryndap, Ulttyq qaýipsizdik komıtetiniń basshylyǵy tarapynan joǵary baǵa berildi.