UQK Sırııada sodyrlardyń «serkesi» atanǵan qazaqstandyqtyń ólimi týraly aqparatty tekserýde

ASTANA. QazAqparat - Qazaqstan Ulttyq qaýipsizdik komıteti Reseı arnaıy qyzmetterimen yntymaqtasa otyryp,  Sırııada qazaqstandyq "dala komandıriniń" óltirilgeni týraly aqparatty tekserýde, dep habarlaıdy «QazAqparat» HAA.

«QazAqparat» HAA-nyń resmı saýalyna UQK baspasóz qyzmeti: «Sırııadaǵy lańkesterdiń Qazaqstannan barǵan dep aıtylyp júrgen komandıriniń kózi joıylǵandyǵy týraly aqparat Reseı tarapymen yntymaqtasa otyryp tekserilýde», - dep jaýap bergen.

Budan buryn reseılik BAQ Reseı Qorǵanys mınıstrliginiń resmı ókiline silteme jasaı otyryp,  eki kún ishinde Sırııada, Evfrat ózeniniń shyǵys jaǵalaýynda DAISh lańkestik uıymynyń jeti dala komandıriniń kózin joıǵany týraly aqparat taratqan bolatyn. Onyń ishinde DAISh shabýyldaýshy jasaqtarynyń Evfrat ańǵaryndaǵy qımyldaryn úılestirýshi, Qazaqstannan bardy degen Ábý Islam ál-Qazaqı esimi de atalǵan. Eki kún ishinde Evfrattyń shyǵys jaǵalaýynda IM-niń 304 lańkesi óltirilip, 170-ten astam lańkes jaralanǵan.

QR UQK málimetterine qaraǵanda, DAISh jáne basqa da halyqaralyq lańkestik uıymdardyń qataryndaǵy qazaqstandyqtardyń sany áıelder men balalardy eseptemegende 150-den aspaıdy. Olardyń sany lańkesterdiń óltirilýi jáne otbasymen birge berilýiniń esebinen qysqaryp keledi.

DAISh qyzmetine Qazaqstan aýmaǵynda tyıym salynǵan.