UQK: Sybaılas jemqorlyq boıynsha 198 is tergelip, 175 is sotqa joldandy
ASTANA. KAZINFORM — Bıylǵy jyldyń aqpan-sáýir aılarynda 317 sybaılas jemqorlyq quqyqbuzýshylyqtary tirkeldi, dep habarlaıdy QR Ulttyq qaýipsizdik komıtetiniń Sybaılas jemqorlyqqa qarsy qyzmeti.
— Sybaılas jemqorlyq faktileriniń basym bóligi paraqorlyq, alaıaqtyq jáne laýazymdyq ókilettikterdi teris paıdalaný sııaqty qylmystarǵa qatysty. Qylmystyq ister boıynsha 226 adam kúdikti dep tanyldy. 198 qylmystyq isti tergeý aıaqtaldy, onyń 175-i sotqa jiberildi. Anyqtalǵan zalal somasy (aıaqtalǵan qylmystyq ister boıynsha) 4,2 mlrd teńgeni qurady, — delingen vedomstvo taratqan aqparatta.
QR Ulttyq qaýipsizdik komıtetiniń Sybaılas jemqorlyqqa qarsy qyzmeti atap ótkendeı, osy baǵyttaǵy jumystar jalǵasatyn bolady.
Budan buryn dári-dármek satyp alý kezinde memleketke 3,7 mlrd teńge zalal keltirilgenin jazǵanbyz.
