UQK Shymkenttiń turǵyn úı basqarmasynyń basshysyn ustaǵanyn rastady
ShYMKENT. KAZINFORM - Nurbol Júnisbekke qatysty sotqa deıingi tergeý bastaldy.
Ulttyq qaýipsizdik komıteti Kazinform agenttiginiń resmı saýalyna bergen jaýabynda Shymkent qalasy turǵyn úı basqarmasynyń basshysy Nurbol Júnisbektiń ustalǵanyn rastady. Ol qyzmettik ókilettigin asyra paıdalandy degen kúdikke ilingen.
Sheneýnik atalǵan basqarma basshysy qyzmetine 2025 jyldyń naýryz aıynda taǵaıyndalǵan. Bar derekterge súıensek, ustaý oqıǵasy Astanada bolǵan. Shymkent ákimdiginde Júnisbekovtiń bul kezde eńbek demalysynda júrgeni naqtylandy.
— Atalǵan derek boıynsha UQK sotqa deıingi tergeý júrgizip jatyr. Ózge aqparat Qazaqstan Respýblıkasy Qylmystyq-protsestik kodeksiniń 201-babynyń 1-bóligine sáıkes jarııa etilmeıdi, — delingen QR UQK-niń resmı jaýabynda.
Nurbol Júnisbekov 2025 jyldyń qańtar–aqpan aılarynda qalanyń Jer qatynastary basqarmasy basshysynyń mindetin ýaqytsha atqardy, al naýryz aıynan bastap Turǵyn úı basqarmasyna basshy bolyp taǵaıyndaldy.
Aıta keteıik, budan buryn Shymkentte sáýlet basqarmasynyń basshysy Arman Ábdeshov ustalǵanyn jazǵan bolatynbyz.