UQK: Shymkentte Ekonomıkalyq tergep-tekserý departamenti qyzmetkerine qatysty tergeý bastaldy
ASTANA. KAZINFORM – Áleýmettik jelilerde taraǵan Shymkent qalalyq Ekonomıkalyq tergep-tekserý departamenti qyzmetkeriniń ustalǵany týraly aqparatqa baılanysty Ulttyq qaýipsizdik komıtetiniń qyzmetkerleri sotqa deıingi tergeý júrgizip jatyr. Bul týraly Kazinform agenttiginiń tilshisine UQK málim etti.
2 naýryz kúni áleýmettik jelilerde er adamnyń jol jıeginde turǵan avtokólik janynda arnaıy qyzmet ókilderi tarapynan ustalǵan sáti túsirilgen foto jarııalandy.
Jeli qoldanýshylarynyń jazýynsha, UQK-nyń sybaılas jemqorlyqqa qarsy qyzmeti Shymkentte qalalyq Ekonomıkalyq tergep-tekserý departamentiniń qyzmetkerin para aldy degen kúdikpen ustaǵan bolýy múmkin. Aldyn ala málimet boıynsha, para kólemi shamamen 300 myń teńgeni quraǵan.
Osyǵan baılanysty Kazinform redaktsııasy atalǵan derekke qatysty Ulttyq qaýipsizdik komıtetine resmı saýal joldap, departament qyzmetkeriniń shynymen ustalǵan-ustalmaǵanyn, para somasy týraly aqparattyń qanshalyqty ras ekenin, sondaı-aq kúdiktiniń protsessýaldyq mártebesi men aqshanyń berilý jaǵdaıyn naqtylaýdy surady.
Ulttyq qaýipsizdik komıteti tergeý júrgizilip jatqanyn rastady.
– Qazirgi ýaqytta sotqa deıingi tergeý amaldary júrgizilip jatyr. Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy, - dep habarlady UQK resmı saýalǵa bergen jaýabynda.
Buǵan deıin SQO-da túzeý mekemesiniń bastyǵy ustalǵanyn UQK rastady.
Sonymen qatar UQK Shekara qyzmeti 60 mln teńgelik temeki kontrabandasynyń jolyn kesti.
