UQK Shekara qyzmetiniń barlyq bólimsheleri bir jyl buryn Shymkent túbinde qaıǵyly qazaǵa ushyraǵan áriptesterin eske aldy
ASTANA. 25 jeltoqsan. QazAqparat - Búgin Qazaqstan Respýblıkasy Ulttyq qaýipsizdik komıteti Shekara qyzmetiniń barlyq bólimshelerinde, birlestikteri men quralymdarynda shekara saqshylary osydan bir jyl buryn Shymkent qalasynyń túbinde qaıǵyly qazaǵa ushyraǵan áriptesterin bir mınýt únsizdikpen eske aldy. Bul týraly QR UQK ShQ baspasóz qyzmetinen habarlandy.
«Áskerı dostarymyz ben komandırlerimizden, ákelerimiz ben analarymyzdan, uldarymyz ben qyzdarymyzdan aıyrylǵan qaıǵyly oqıǵaǵa búgin týra bir jyl tolyp otyr, - dedi óz sózinde Shekara qyzmetiniń dırektory general-leıtenant Nurlan Jolamanov, - olardyń ózderi joq bolǵanymen olardyń jarqyn beıneleri bizdiń júregimizde, árbir qazaqstandyq shekarashylardyń jadynda máńgilikke saqtalatyn bolady».
