UQK shekara qyzmeti dırektory orynbasarynyń isine qatysty aldyn ala tergeýdiń zańdylyǵyn Áskerı prokýratýra júzege asyrady - QR ІІM
ASTANA. Qyrkúıektiń 8-i. QazAqparat /Damır Baımanov/ - UQK shekara qyzmeti dırektorynyń orynbasary Álim Hasenovtiń isine qatysty aldyn ala tergeýdiń zańdylyǵyn Áskerı prokýratýra júzege asyrady.
Bul týraly, sársenbi, qyrkúıektiń 8-inde QazAqparat tilshisiniń suraǵyna jaýap bergen QR Іshki ister mınıstriniń baspasóz hatshysy Qýanyshbek Jumanov málimdedi.
Q.Jumanov eske salǵandaı, Á.Hasenovke qatysty qylmystyq is onyń QR UQK shekara qyzmetiniń shekara beketteri men ózge de nysandarynyń kúrdeli jóndeýden ótkizilýi kezinde bılikti asyra paıdalanǵanyna qatysty QR ІІM Tergeý komıtetiniń áskerı-tergeý basqarmasy tamyzdyń 23-inde qozǵaldy.
«Memleketke orasan shyǵyn keltirildi», - dep atap ótti ІІM ókili.
Ústimizdegi jylǵy qyrkúıektiń 2-sinde Á.Hasenov QR ÁІK 132 baby boıynsha ustaldy. Qyrkúıektiń 3-inde Á.Hasenovke aıyp taǵyldy. Al qyrkúıektiń 4-inde Aqmola garnızonynyń áskerı soty ony tutqyndaý týraly sanktsııa berdi.
«Qazirgi ýaqytta qylmystyq is tergelýde. Aldyn ala tergeýdiń zańdylyǵyn Áskerı prokýraýra júzege asyrady», - dep sózin qorytyndylady Q.Jumanov.
