UQK Shekara qyzmetiniń eks-basshysy Darhan Dilmanov bostandyqqa shyqty
ASTANA. KAZINFORM — Tórt jylǵa sottalǵan Ulttyq qaýipsizdik komıteti Shekara qyzmetiniń burynǵy basshysy Darhan Dilmanov jazasyn ótep shyqty.
Bul týraly Іshki ister mınıstrligi Qylmystyq-atqarý júıesi komıtetiniń baspasóz qyzmeti habarlaıdy.
— Sottalǵan adam sot úkimine sáıkes qylmystyq-atqarý júıesi mekemesinde jazasyn ótedi. Sot taǵaıyndaǵan jaza merzimin tolyq óteýine baılanysty bosatyldy, — degen habar aldyq qylmystyq-atqarý júıesi komıtetinen.
Eske sala ketsek, 2023 jyly jeltoqsanda Ulttyq qaýipsizdik komıtetiniń Shekara qyzmetiniń burynǵy basshysy Darhan Dilmanov 4 jylǵa sottalǵan edi.
Almaty garnızonynyń áskerı soty málim etkendeı, UQK tóraǵasynyń burynǵy orynbasary — Shekara qyzmetiniń dırektory Darhan Dilmanov pen basqa da laýazymdy tulǵalarǵa bılikti asyra paıdalandy jáne iri mólsherde para aldy degen aıyp taǵyldy.
Aıta keteıik, 2022 jyly sáýirde Darhan Dilmanov QR UQK tóraǵasynyń orynbasary — Shekara qyzmetiniń dırektory laýazymynan bosatyldy.