UQK Shekara qyzmeti temeki kontrabandasynyń iri partııasyn anyqtady
ASTANA. KAZINFORM — 8 maýsymda Jambyl oblysyndaǵy «Qarasý» avtomobıl ótkizý pýnktinde Qazaqstan Respýblıkasy Ulttyq qaýipsizdik komıtetiniń Shekara qyzmeti iri kólemdegi temeki ónimderin ákelýdiń jolyn kesti. Bul týraly UQK baspasóz qyzmeti málim etti.
Júk avtokóliginiń jasyryn jerine 360 myń qorap temeki ónimderin tyǵý arqyly Qazaqstan aýmaǵyna zańsyz alyp ótpek bolǵan.
— Aldyn ala baǵalaý boıynsha alynǵan temeki ónimderiniń quny 180 mln teńgeden asady. Ustalǵan taýar odan ári tekserý júrgizý úshin tıisti organǵa tapsyryldy, — delingen habarlamada.
Jyl basynan beri UQK Shekara qyzmeti temeki ónimderin zańsyz alyp ótýdiń 93 faktisiniń jolyn kesti, olardyń jalpy quny 386 mln teńgeni qurady.
Aıta keteıik, buǵan deıin UQK Almaty áýejaıynda 21 kg marıhýana alyp ótpek bolǵan kúdiktini ustady.
