UQK Shekara qyzmeti ótken jyly 55 myńnan astam qylmysty anyqtaǵan
ASTANA. KAZINFORM – Bul týraly UQK Shekara qyzmetiniń 2024 jylǵy is-qımyl nátıjeleri týraly málimetterden belgili boldy.
Baspasóz qyzmetiniń habarlaýynsha, UQK Shekara qyzmeti Memlekettik shekarany kúzetý men qorǵaýdy qamtamasyz etý aıasynda 2024 jylda quzyrly organdarmen ózara árekettese otyryp, elimizdiń shekara keńistiginde 55 myńnan astam zań buzý áreketterin anyqtaǵan.
Olardyń ishinde: 324 shetel azamaty shekarany buzǵany úshin ustaldy;
383 shetel azamatynyń shekarany buzý áreketteriniń joly kesildi.
Memlekettik shekara arqyly 15 041 zańsyz alyp ótý faktileriniń aldy alyndy, sonyń ishinde:
451 – esirtki zattary (2 tonna 300 kg astam);
886 – qarý men oq-dáriler;
455 – dinı ádebıet (24 087 dana);
5 283 – jalpy somasy 160 mln teńgeden asatyn janar-jaǵarmaı materıaldary;
6 086 – jalpy somasy 70 mlrd teńgeden astam halyq tutyný taýarlary;
1 880 – jalpy somasy 19 mlrd teńgeden astam shetel valıýtasy.
• Kaspıı akvatorııasynda 390 brakonerlik faktileriniń aldy alyndy, sondaı-aq:
196 dana júzý quraldary;
jalpy uzyndyǵy 536 km tordy quraıtyn brakonerlik aýlaý quraldary;
1 994 dana (11 379 kg) bekire tuqymdas balyqtar;
87 814 dana (98 296 kg) usaq tuqymdas balyqtar;
117 dana ıtbalyǵy. Aldy alynǵan zalal somasy 4,6 mlrd teńgeni quraıdy.
- Bul faktiler boıynsha materıaldar buzýshylardy jaýapqa tartý úshin quqyq qorǵaý jáne sot organdaryna jiberildi, - delingen UQK baspasóz qyzmetiniń habarlamasynda.
Osyǵan deıin shekarashylardyń qyrkúıek aıynda 3,3 mlrd teńge shyǵynnyń aldyn alǵany týraly jazdyq.