UQK Shekara qyzmeti 60 mln teńgelik temeki kontrabandasynyń jolyn kesti

ASTANA. KAZINFORM — Ulttyq qaýipsizdik komıteti Qazaqstanǵa zańsyz ákelingen 150 myń qorap temekini tárkiledi. 

— A.j. 19 aqpanda «Sypataı batyr» avtokólik ótkizý pýnktinde UQK Shekara qyzmeti el aýmaǵyna 150 myń qorapta aktsızsiz temeki ákelý áreketiniń jolyn kesti. Ustalǵan taýardyń aldyn ala quny 60 mln teńgeni quraıdy, — dep habarlady UQK-nen.

Temeki buıymdary avtokólik tsısternasynyń jasyryn ornynda jasyrylǵan. Júk ilespe qujattarsyz júrgen.

Osy faktige qatysty materıaldar protsestik sheshim qabyldanýy úshin tergeý baǵyty boıynsha quzyretti organǵa berildi.

Eske sala keteıik, buǵan deıin Almatyda 8 keli metamfetamın tárkilenip, kúdikti qamaýǵa alynǵan edi.