UQK Shekara akademııasy 30-shy ret ofıtserler túlegin ushyrdy

NUR-CULTAN. QazAqparat - UQK Shekara akademııasynda 30-shy mereıtoılyq jas ofıtserlerdi shyǵaryp salý saltanaty ótip, 214 kýrsantqa alǵashqy ofıtserlik «leıtenant» ataǵy berildi. Bul týraly QazAqparat UQK baspasóz qyzmetine silteme jasap.

Saltanatty sharaǵa UQK tóraǵasy general-leıtenant Ermek Saǵymbaev, ardagerler men túlekterdiń ata-analary qatysty.

E.Saǵymbaev quttyqtaý sózinde túlekterge sáttilik pen jańa kásibı bıikterge jetýdi tiledi. Otanymyzdyń shebin kúzetý eń jaýapty da qurmetti is bolyp qala beretinin atap ótti. Sonymen qatar oqý ornynyń basshylyǵy men professorlyq-oqytýshylyq quramyna alǵys sózderin jetkizdi.

Qalyptasqan dástúr boıynsha is-shara Akademııanyń jaýyngerlik týymen qoshtasý jáne UQK Shekara akademııasynyń ánuranyn oryndaǵan túlekterdiń saltanatty marshymen aıaqtaldy.