UQK «Samuryq-Qazyna» basshysynyń ustalǵanyn rastady
ASTANA. KAZINFORM — «Samuryq-Qazyna» AQ basqarma tóraǵasy N. Jaqypov, «QTJ» UK» AQ basqarma tóraǵasy E. Otynshıev jáne sybaılas jemqorlyq qylmysyn jasady degen kúdikke ilingen ózge de tulǵalar ustaldy. Bul týraly QR Ulttyq qaýipsizdik komıteti habarlady.
— 2026 jylǵy 11 qarashada QR UQK Sybaılas jemqorlyqqa qarsy is-qımyl qyzmeti «Samuryq-Qazyna» AQ basqarma tóraǵasy N. Jaqypovty, «QTJ» UK» AQ basqarma tóraǵasy E. Otynshıevti jáne sybaılas jemqorlyq qylmysyn jasady degen kúdikke ilingen ózge de tulǵalardy ustady, — dep jazylǵan resmı habarlamada.
Qazirgi ýaqytta istiń barlyq mán-jaıyn anyqtaýǵa baǵyttalǵan tergeý amaldary júrgizilip jatyr.
Qylmystyq-protsestik kodekstiń 201-babyna sáıkes, sotqa deıingi tergep-tekserý barysy týraly ózge aqparat jarııa etilmeıdi.
— Memleket basshysynyń tapsyrmalaryn oryndaý jáne «Zań men tártip» qaǵıdatyn saqtaý aıasynda sybaılas jemqorlyqqa qarsy kúres jumystary jalǵasyp jatyr, — deıdi Sybaılas jemqorlyqqa qarsy is-qımyl qyzmeti.
