UQK Rýdnyıda qarý jasaǵan jasyryn sheberhanany anyqtady
NUR-SULTAN. QazAqparat – Rýdnyı qalasynda qarý jasaıtyn sheberhana uıymdastyrǵandar sottaldy, dep habarlaıdy QazAqparat UQK baspasóz qyzmetine silteme jasap.
«29 tamyzda Qostanaı oblysynyń Rýdnyı qalalyq soty sýyq qarýǵa jatpaıtyn nusqalardy jaýyngerlik túrine qaıta ózgertetin jasyryn shaǵyn sheberhana uıymdastyrǵan D. Basakın men A. Stenınge atys qarýy men jarylǵysh zattardy zańsyz saýdalaǵany úshin úkim shyǵardy.
Sottalýshylar QR QK-niń 287-baby (qarýdy, oq-dárilerdi, JZ jáne JQ-ny zańsyz satyp alý, berý, ótkizý, tasymaldaý nemese alyp júrý) jáne 291-baby (qarýdy, oq-dárilerdi, JZ jáne JQ-ny urlaý nemese qorqytyp alý) boıynsha qylmys jasaǵany úshin kináli dep tanylyp, ártúrli merzimge sottaldy.
Qazirgi tańda fıgýranttardyń biri izdestirilýde.
Esterińizge sala keteıik, 2019 jyldyń sáýirinde QR UQK Qostanaı oblysy boıynsha departamentiniń qyzmetkerleri joǵaryda kórsetilgen adamdardy salmaǵy 2 kg «ammonıt» jarylǵysh zatyn, sondaı-aq jaýyngerlik tapanshany ótkizý kezinde ustaý boıynsha operatsııa júrgizgen bolatyn.
